رسالة مهمة الى الاستاد سعود برقاوي ( مهم جدا عن التفاعل الجماهيري )
بسم الله الرحمن الرحيم
وبه نستعين
اما بعد :
[ موضوعي اليوم مهم جدا وهو عن اسباب
انخفاض تفاعل الجمهور الاهلاوي ]
بكل امانة كثرت الاهازيج الفردية
في المدرج الملكي فظهر انخفاض التفاعل الجماهيري
مثل اهزوجة ياسفير الوطن - عن الاهلي يسالوني - بدري عليكـ
وانا اعطيكم مثال :
بدر التركستاني يردد : بدري عليك والله بدري .. مغرور وانت ماتدري .. ويامقابل رجال الاهلي
والجمهور يردد فقط : بدري عليك والله بدري
مثال اخر :
بدر : عن الاهلي يسالوني قلت في داخل عيوني انا احبه وبجنوني وش تقلون
والجمهور فقط يردد : الفوز بنجيبه ..
مثال اخر :
بدر : ياسفير الوطن في قلبي حبك سكن غالي مالك ثمن حبيبي ي اهلاوي
والجمهور يردد فقط : حبيبي ي اهلاوي
بكل امانة كذا يصير برود في المدرج
ياليت نشوف الاهازيج اللي يكون فيها الصوت الجماعي
للجمهور ويحمس المدرج باكمله
مثل : فوق فوق فوق علمنا عالي - عند الاهلاوي مايمشي
-هوو هوو ياهوو من عاند الاهلاوي - ياكلكـ ... الخ
الصوت الجماعي له هيبة وتاثيره اقوى في تحفيز اللاعبين
ويحمس المدرج كامل ومايصير فيه خمول من بعض الجماهير وبرضو يحفز اللاعبين ويحمسهم
مقصدي من الرسالة ومضمونها : نقلل من الاهازيج الفردية ونكثر من الاهازيج الجماعية
وياليت نبدا نطبقها امام الغرافة في بطولة اسيا
والمباريات اللي على ارضنا لازم نستغلها بـ عامل
الارض والجمهور حتى نضمن التاهل للادوار القادمة ان شاء الله وباذن الله فوز ملكي
هذا مقطع للجمهور الاهلاوي امام الشباب في نهائي الدوري وشوفوا حماس الجمهور وربي يسبب رعب للخصم
لان الصوت الجماعي غلب الصوت الفردي فظهر هذا المدرج المجنون
‫جماهير الأهلي السعودي ( الملكي ) 2012م‬‎ - YouTube
في النهاية انا اسف على الاطالة
والله يقويكم ي جمهور الملكي في خدمة الكيان الملكي
وانا اول الحاضرين في مباراة الغرافة ان شاء المولى سبحانه
دعواتكم للملكي بالانتصار
