ورحل كانيدا...''

السلام عليكم ورحمة الله وبركاته

كيفكم ان شاء الله كويسين.......ما بدي أطول عليكم ندخل في الموضوع على طول



اول شي احب أهنيء جميع اللي طالبو برحيل كانيدا وأقولهم ......ورحل كانيدا

كانيدا المدرب اللي لقبوه بالداهيه المدرب الذكي اللي يعرف يقرأ المباريات ويجتمع بالاعبين بين الشوطين ويقدر يقلب المباراه لصالحه

كانيدا اللي أجرى ثلاث تغيرات ضد جوانزو وهما بعد الله اللي جابو لنا الفوز والتأهل

كانيدا اللي اول ما جا الاتحاد محد كان يقدر يفوز علينا رغم انه بيستخدم نفس التكتيك بس اللاعبين كانو مايعرفوه والكل بيحاول يثبت نفسة عشان يكون اساس
بس للأسف من جد وبكل قهر للأسف لما عرفهم وسار يجلس بعض اللاعبين على الدكه بسبب انخفاض مستواهم
زعلوا وقرروا يطيروه من الاتحاد وللأسف قدروا

كانيدا اللي طلع لنا لاعبين صغار واللي خلى الاتحاد عندوا احتياط أقوى من الاساسي
تدروا ان الفريق دحين يقدر يلعب بدون محترفين وينافس بس لو كانو طال عمرهم اللاعبين لهم نفس يلعبو
الكل يشوف الاسماء الموجوده وربي ما نحتاج محترفين ......

بس للأسف الاتحاد بس بيطالع شوف تاريخ اللاعب الفلاني وشوف اللاعب هذا ايش جاب بطولات
ترا ماردونا جاب كأس العالم واوصل فريق من الدرجة الثانية لأبطال اوروبا بس خلاص هذي ايام راحت بحالها

مدري والله ايش اقولكم انا في المنتدى ذا من زمان وأتذكر لما الاتحاد انهزم من الهلال 5 الكل كان يقول خلي كالديرون يرحل والغريب في الموضوع انهم دحين يطالبو فيه وانو المدرب الافضل هههههههههههههه عشان كان يهاجم وكانيدا مدافع
ترا اللي يلعب بطريقه دفاعيه مو جبان هذا تكتيك ايطاليا جابت كأس العالم بالدفاع




وآخر شي أبغى أقوله مافي لاعب ياخذ زمنه و زمن غيره كل لاعب رح يجيه يوم ويعتزل ومن الافضل يعتزل وهو تارك صوره حلوه افضل من ان يكون اسطوره وآخر حياته يخرب كل شي ويسمع جمهوره اللي كانو يمدحوه يصرخو عليه ويقول له اعتزل وفكنا ..........
وأخيرا كانيدا ستبقى في قلوبنا أينما كنت
وانا متأكد انه رح يرجع السعوديه ورح يرجع قريب كمان


ومضه"
خذوا السيناريو ذا واتذكروه لاعبين الاتحاد رح يقاتلو على الفوز دحين واحتمال يفوزوا على الفتح كمان ورح يرجع الاتحاد كم يوم الين يجي مدرب كويس ويمشي معانا فتره الين بعض اللاعبين معاليهم يطفشو منو رح يحالو يطيروه وترجع حكاية كانيدا وقبله كثيرين امثال كالديرون وغيرهم *