أستمتع في بعض ماقيل في الهلال"""""""""""

السلام عليكم ورحمه الله وبركاته
اقدم لكم ارووووووووووووووووع ماقيل في الززززعيم
ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
العتيبي للشعر يبرز بروز
يمسعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع
للشاعر / سعد نهاض ماجد العتيبي
_________________________________________________
هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه
للشاعر / فهد بن عقيل الطويان
__________________________________________________ ______
تفنن ياهلال المجد وغرد بأعذب الألحان
ملايين البشر لعبك بكل جنون يهوونه
نحب مشاهد الكوره من اجلك يا ازرق الالوان
على خضر الملاعب فن غيرك ما يجيدونه
تلقب بالزعيم و بالسفير وللوطن عنوان
ولاعمرك خذلت اللي املهم فيك يرجونه
جميع الاندية تلعب ولكن رفس بالسيقان
كبير الفرق بين إمتاعك ولعب يعكونه
أنا اشهد يرتجف خصمك الى طبيت بالميدان
تحشره داخل الملعب نجومه ما يسرونه
بخطة قايد ملهم تثور وثورتك بركان
تلفت خصمك المنهك عسى الحكام ينجونه
يعيبونك عصابة جهل خاوين الفكر بهتان
بزعم افكارهم فعلك عن العالم يحجبونه
اقول معاند الواقع ومشي بالخطا خذلان
شليله بالصحافة في بلدنا ما يطيقونه
ومعهم شلة التحكيم تميل بكفة الميزان
يهينون الزعيم بصافرتهم ويتحدونه
ولكن الامل معقود في فيصل وفي سلطان
يوقف كل عابث عند حده ما يخلونه
نبي من قاضي الملعب عداله للجميع إتبان
عداله ترضي المهزوم والفايز يهنونه
ترى ترك التعصب يا جماهير الرياضة حان
سفير المملكة مفروض يخجل من يعادونه
سفير لاغزا يجلب بطولات مع الكيسان
ويرجع ذايع صيته ويسعد من يحبونه
هلابه وين ما يرحل هلابه راجع نشوان
على البث الفضائي كل خلق الله يشوفونه
يهلي به بنوا يعرب ومن في آسيا سكان
وكل عيال حام وسام هلال المجد يغلونه
تفنن ياهلال المجد وغرد بأعذب الألحان
ملايين البشر لعبك بكل جنون يهوون
للشاعر / تركي مسلم الفرج
__________________________________________________ ____________
هللي ياتباشير الفجروغردي للهلال
وارفعي شجو اللحن بأحسن نشيد
للزعيم اللي لكاس فيصل شال
جابه هلالنا اللي عنده يوم عيد
صفقوا للازرق ياجماهير يارجال
وارفعوا الاعلام فوق عاليات البيد
موج ازرق يوم تحرك كالجبال
صال وجال وجاب اللي نريد
الف مبروك ياجماهير مني تقال
وللادارة والجهاز واللاعبين بهم نشيد
الله اكبر ياهلال كل ماجاء مجال
قالوا ماغير هلالها ذاك العنيد
__________________________________________________ ____________________
جبت البطولة وانتشى الشوق يا هلال
شوق القصايد قام يرقص محله
كأس وذهب يلمع واقوال وافعال
تشفي خفوقٍ فيه ستين عله
يا هلال يا هلال الذهب دمت يا هلال
درب الذهب دايم تدله تدله
بأميرك النبراس ورجالك رجال
عالي سماك اليوم محدٍ وصله
عز وفخر انته يا عز ياعز الابطال
اسمك سما بالمجد المجد كله
انته فخر بحر انت يا هلال
زعيمهم غصبٍ على كل شله
الفال طيب وانت يا طيب الفال
نادي عريق ولا تعرف المذله
تأخذ بطولاتك انواع واشكال
تاج البطولة لابسه مستحله
اكتب قصيد فيك مسرور يا هلال
هذا قصيدي فيك يفداك كل

للشاعر / فهد عبدالله بن ريمان
__________________________________________________ _______________
يالشاعر اللي هرجه الوان وأشكال
زعلان مثلك ناس واجد زعوله
هذي شهادة منك يا طيب الفال
ونبض المشاعر ما تجي بالسهوله
حولت تشجيعي بعد شفت الاهوال
اعلنتها والنفس ما هي خجوله
واخترت من تضرب به الناس الأمثال
زعيمكم يااصحابنا صفقوله
ادارته عقال ما هم بجهال
أهل التواضع من زمان الطفوله
في الشرق ولا غرب وجنوب وشمال
هل الهلال بطلته هللوله
وشعار نادينا مشاهير ورجال
وهذا الصحيح ولازمنا نقوله
السامر يكفيك عن كل الاقوال
وبن مساعد شاعر ورمز دوله
وبن جعيثن للصعيبات حّلال
لاحط لغز ما عرفتوا حلوله
وبن جريد للبطل قال موال
وحبيب وفيصل بحب قصدوله
ويقودنا اللي له تحيات واجلال
سعود بن تركي ما ننسى فضوله
وأبومساعد شيخنا فعوله جزال
هذا المؤسس والجميع اهتفوله
واعضاء الشرف بالجهد والحال والمال
حطوا زعيم الكل ماشي حوله
ونجومنا مثل الذهب عالي العال
يقودهم نمر تنومس فعوله
رديت ما فكرت بالقيل والقال
ما همني شاعر يجمع طبوله
وأنا حمد الله راحت الفكر والبال
مع الزعيم المجد عرضه وطوله
وصلاة ربي عد ما هل همال
على نبي كل الأمه دعوله



للشاعر : ناصر بن شافي البقمي
__________________________________________________ ________________


من يرافق النجوم تسطع في السماء عالي
ومن اللي يشعل ظلمــة الليل ويضويهــــا





ومن اللي يصوم النــاس بــه اول ليــالـي
ومن اللي يبات الناس للعيد تنتظر لياليها





ومن اللي يخلي المــــد والجــــزر عالـي
مره تنقص مياه البحر ومرة تزيدشواطيها





عرفتوه؟ عرفتـوا من هو اللي على بالي
هو الزعيم لامن زأرفريسته مايخطيهــــا





هو الهلال اللي له اول ومالـــــــه تالـــي
لامن دخل بطولــــه يا خذ الكأس فيهـــا





الازرق والابيض شــــعــــــاره الغالـــــي
مايخاف احد وكل النـــــوادي يباريهـــــا





ومن قهردفاع الخصم سريع مثل الغزالي
ومن يطرب الجماهير بلعبه ويشديهـــــا





اللعب عنده فن ومهارة ماهو قوة وقتالي
عرفتوه من هو؟ هو نجم الهلال وساميها





وابو يعقوب خبره وليته مافكر بالاعتزالـي
يصفق له الجمهور ويهتف البطوله نبيهــا





يتلاعب بالخصم مرة يمين ومرة شمالي
يصوت له الجمهـــور الكرة لاتخليهــــــــا





ومن اللي يحرك الفريق وكانه رجل الي
صانع العابه واهدافه المرمى ما تخطيها





نواف قلـب الوسـط واللاعب المثالــــي
لامن لعـــب بالكرة حقـها يعـطيهــــــــا





ومن يجري في الفريق مثل الماء سالي
يصول ويجــول فيهم والكــــرة يعديهــــا





ما يدرون هو الشلهوب ولا مذنب هالي
يسطع مثل البـــرق والكــــرة يسبيهـــا





ومن الي يلمع في الفريق كالذهب الغالي
من اصــل قحطـان ياويل من هو يعاديهـــا





عرفتوه؟ هو نجم المنتخب ياسر القحطاني
ضربته ما تخطي الشباك دوووم تخاويهــــا





والامير المرحوم تضرب به الامثــالــــــــي
ضحى بروحه للرياضة ومانقدر نجازيهــــا





والامير الحالـــي والوليد بن طلالـــــــي
واعضاء الشرف والكل بالروح يفديهـــــــا





لامن اخذت بطولة رفعت راســنا عالـــي
يتقدم بالبطولــــه للجمهور ويهديهــــــــا





تقدم يا هلال وكيد كل الحواسد والعذالي
وياماحلى لقاء النصر والهلال وش نسميها





يلعب النصــــــر ويضغـط ولـعبـه ضلالـــــي
والهـلال بخبرتـــــه يعـــرف كيف ينهيهــــا





مثل وطنا بالخارج وكان خير مرسالــــــــي
في الاول يعطش جماهيره وبعدين يرويهـا





اقولها واصيح باعلـــى صوتـي اني هلالـــي
من له فريق مثل الهلال يرفع راسه مايوطيها





وافتخر ياسعودي والبس شماغ وعقالــــي
دام نادي الهلال في الوطن يلعب ويحميهــا

__________________________________________________ ____________
وهذي قصيده سعيد بن مانع
http://www.4shared.com/audio/5KTvPvMv/____.html

__________________________________________________ __________________________
ينسهـلال التحدى شب ضـوه وجاب الكاس
على صـك الخمسـين الـسنه ولعت نار
هـلال التـحـدى شمس تسطع بـدون مقـياس
على قــارتين بالفعل شــاخت انواره
مفاعل نوويه محمـد قـوي الباس
الى شاف شـباك ركـد طير اغـباره
هـلال التحـدى للبطولات قلب وراس
زعيم النوادي عند نوافه اسـراره
نـجـومــه بـوســط الملعـبه تقل عـقد الـماس
تصوره مـوج أزرق يغري شعار
هلال التحدى ماله منافـس ياناس
كـسب كاس شيخ بالوفا شاعـت اخباره
كـسـب كـاس رمز امجادنا فيـصـل الـنبراس
كـسب كاس أبـو نواف بجهـود جـبار
هلال التحدى حـربـته قـاهـر الحراس
الى شات ابوجمعـان مايخطى الـشار
وبشـب ضوى بالثـمامه على الاطعاس
جماهـير الازرق من على النار سـمار

للشاعر:راشد بن جعيثين
__________________________________________________ ________
ق قالوا هذا الهلال قلت والنعم فيه
زعيم بطولات اول وتالي
هلال الرياض حنا جماهيره ونغليه
له عندنا وبقلوبنا منزل عالي
لوكثرت الأشعار الزعيم ما اوفيه
ما اوفي ذاك الشعار شعار الهلالي
تعجز بيوت الشعر وتضيع فيه
تضيع في وصف الفريق المثالي
برياضة ابو محمد الكل يفخر ويحييه
بندر ذاك الحر يانعم الرجالي
قاد الفريق يوسف لفوز يبيه
والدعيع حارس أمين وللهلال وافي
للدفاع الشريدة وخليل قايمين فيه
والدوخي مع النزهان للهلال راحة بالي
الغامدي نجم نعرفه ولطف مخاويه
كملهم بشلهوب بخصمه مايبالي
ونواف كل الفرق تحتار فيه
باللعب فنان وبالاخلاق عالي
للكورة ملك محد يجاريه
لعبك يانواف من الطراز العالي
سامي هجومنا والهويدي بارع فيه
والكل منهم يكتمل به الثاني
كاس المؤسس يانعمكم حصلتوا عليه
تستاهل الكاس يالزعيم يالهلالي
كاس مائة عام كل حلم فيه
جبته يا الزعيم وافخر انك هلالي
نظمت القاف يا الجزيرة وتكفين انشريه
حيث انك فخر للصحافة اول وتالي

للشاعر:عبدالله البقعاوي

أخيراً ليس هذا كل ماقيل من الشعر في الهلال ولكن اسمحوووولي على التقصر

مبروووووووووووووووووووووو وووك للهلال كأس ولي العهد الف الف الف مبروووووووووووووووووووووو ووووووكتحق الزعامه