فزعتكم يالربع والله من خيرة حلالي .. نسأل الله السلامة ..عااااجل ياهل الخبره ؟؟
اغنام - ابل - دواجن - طيور
اسعد الله اوقات الجميع بكل خير
بادخل بالمووضوع علي طول
يالربع عندي عنز توهاا يمكن ماكمل عمرها 9 شهور او عشره يعني صغيره واول حمل لها وباقي عليها تقريبا شهر وتولد بمشيئة الله ، بس لاحظت عليها من ثلاث ايام خامله شوي واكلها خفيف ولما اقرب عندها اسمع ونين خفيف مع تنفس سريع نوعا ماا ، وكأني احس عليها حرارة شوي . مع العلم بانها تتحرك وتمشي وعادي يعني خمولها بسيط وتحب تكون لحالها واحيانا تجي عند امها وتجلس ، بس طريقة تنفسها ماهي عاجبتني .
الراعي يقول كل مالها في تحسن يوم عن يوم خلال هالثلاث او اربع ايام اللي طافن بس ماودي اعتمد علي كلامه كثير .
((هل ممكن تتحسن لحالها تدريجيا ونمسك كلام الراعي والا التدخل العلاجي ضروري ، وهل فيه علاجات تساعد العنز بالتحسن السريع))
مع العلم اني حصلت علي حياها زي الصمغ او شي لزج وعليه وسخ ماني متاكد من هالشي
بصراحه ماحاولت اعطيها اي نوع من العلاجات حاليا ( مع العلم لها ثلاث ايام علي هالحاله ) لاني مدري وش اللي فيها بالضبط وبنفس الوقت خايف علي اضراعها لاني ماصدقت تحمل وحتى بطنها كبير شوي والضرع تبارك الله باااين .
وبيني وبينكم ماااثق ابدا بالسباكين البيطرين وخاصة اللي عندنا بالنظيم ، عشان كذا ماحبيت اغااامر
البركة فيكم ياشبابنا وبخبرتكم اللي ناتجه من تجربة وليست من شهادة مزوره
فزززززززززعتكم لاتخلوني
وش السواة بمثل هالحالات
مع خالص تحياتي للجميع
t.uj;l dhgvfu ,hggi lk odvm pghgd >> ksHg hggi hgsghlm >>uhhhh[g dhig hgofvi ??
