خلطه صابونه البابايا والطاووس تعالوااا تعالوااا

السلام عليكم يااحلا كويتيات
حبيت احط تجربتي لخلطه صابونه الطاوس والبابايا للعضوه ملح الدنيا فيني
ماشالله عليها صج خلطتها روعه استخدمتها تقريبا اسبوعين وجابت نتيجه حلووه ومرضيه وانشالله بكمل بس اخلص من الدوره بحط لكم الخلطه عشان تستفيدون مثلي
اللي لاحظته من اول استخدام نعوووومه وبعد فتره لاحظت نعووومه قويه وصفاا وتفتيح صج احس لوني فتتح وبستمر عليها انشالله


مقاديرها:
صابونه بابايا + صابونه طاوس

زيت جلسرين علبه كامله

فنجان زيت لوز مر + زيت زيتون

علبه كريم جلوسليد

2 كوب ماى ورد

2 قفشه كركم جسم


الطرييقه:
نبشر الصابونتين ونقعهم بكوبين ماي ورد ليله كامله
من باجر حطي الصابون بالخلاط مع الجليسوليد وخلطي عدل لين يتجانس تالي ضيفي
الزيوت وخلطي عدل واخر شي الكركرم وخلطيهم لين يتجانسون بيصير كريم
فضيهم بعلبه قزاز او بلاستك عادي بس ماشالله كميته راهيه واستخدميها قبل السباحه بساعتين او حطيها ونامي يكون احسن كل ماطولت ع البشره
تالي غسلي بالصابون اللي تبينه انا افضل البابايا تهبل وعقبها سوي سنفره واخر شي ترطيب
اهم شي رطبي جسمج بعد الخلطه وشوفي النعومه واللمعه والصفااا واستمروا عليها راح ترضيكم نتيجتهااا