صرت أتشهد قبل لا أنام ....

أتمنى أنكم كلكم بصحه وعافيه ويقومكم بالسلامه يارب ويرزقكم بالذريه الصالحه

ويرزق كل محرومه يارب

مابي أطول عليكم

أنا حامل ببدايه الشهر السادس

تخيلوا بنات إذا جيت بنام ما يمديني أغفي إلا أحس نفسي شرقت وأنا نايمه وأحس نفسي مو قادره أتنفس :eh_s(2):

وكانت بين فتره وفتره هالشرقه بس زوجي الله يجزاه خير يحط عند راسه كلاس ماي لانه نومه خفيف ويحس فيني لا شرقت

المهم أستمرت معاي لين صارت شبه يومي أشرق وما أقدر أتنفس عدل

لين تطور الوضع وصرت أحس إن نبض قلبي ثقيل ويعورني ونفسي ضايق ما أدري شلون أشرح لكم

يعني ضيق النفس وعوار القلب والشرقه بس إذا جيت أنام وربي اني صرت قبل لا أنام أتشهد أخاف أموت وأنا نايمه

أما اليوم حسيت بضعف بقلبي والنفس يضيق وانا قاعده مع أهلي مو نايمه

عبالي هالشيء بس اذا نمت لين صارت وانا قاعده

مع العلم اني قبل لا اتزوج ماعمري حسيت بهالأشياء هذي كلها

فتوقعت من الحمال

مع العلم ان الجنين الحمدلله سليم ميه بالميه ولا فيه شيء ممكن اقول بيسبب لي هالأعراض

وحتى وزنه طبيعي يعني ما أقدر اقول من وزنه سبب ضغط على عضلات القلب

فبسألكم بنات أحد فيكم صار معاها هالأشياء وهي حامل
وتتوقعون هالشيء بيكون مو زين وقت الولاده يعني بالنسبه للتنفس وعضلات القلب اللي ما ادري شلون اوصف لكم اللي احس فيه منها

بليز اللي تعرف لا تبخل علي بالرد واللي ماتعرف دعوه

وحتى اللي مالها خلق ترد تدعيلي ان الله يشافيني واولد بالسلامه يارب