حملت ويبت لكم تجربتي ودموعي
السلام عليكم ياخواتي وبنات ديرتي وحبيباتي
والله موعارفه من ووين ابدي وشقول بس سبحان الله اهو الرازق وله الفضل والمنه
انا يابنات صارلي سنتين احاول احمل ومالله كتب لي وكل شهره تاخر الدوره لان حدها متخربطه
اروح احلل ويطلع ماكو شي وابجي وتالي احمد ربي
رحت دكاتره ووايد بس قالولي فيج خربطت هرمونات ولازم كورس علاج وانا بصراحه من النوع الي يعتمد بس علي رب العالمين وكنت اطنش
زوجي حلل وطلع فيه قله الحركه ومادري شنووو بس هم مالتزم بالادويه ولارضي يعالج يقول خليها علي الله
المهم الشهر الي طاف كنت بصدليه بوتس وشفت عتدهم جهاز كشف التبويض قلت خل اجربه سعره تقريبا 7دنانير
فيه سبع اجهزه نفس طريقه تحليل الحمل المنزلي يعني تحطينه بالبول تكرمون ويفضل البول بقلاص انا كنت جذي
احطه بقلاص نايلون واحط الجهاز فيه جربته بعد الدوره ب12يوم وكله يطلعلي خط واحد لين صدف وطلعلي خطين
استانست سويته المغرب بليل صار الجماع وعقب حطيت تحت الحوض مخده سوري عالجراه بنات بس بيفدكم و فعت ريولي
وطول هالمده قاعده استغفر اي والله لاتستغربون كنت قاعد استغفر وكلي امل واليوم الثاني هم نفس الطريقه
وثالث بعد نفس الطريقه وباحي الايام كنت اتوضا واتم استغفر وايد يا بنات لمده اربع ايام وكل مادشيت الحمام توضيت وطلعت
واتم استغفر المهم قبل جم يوم حسيت بعراض الدوره وخفت حيل وصليت وبجيت وبعدين تعوذة من الشيطان وتميت استغفر
وبعد موعد الدوره بيومين قلت خلاص بحلل والحمدالله ع كل حال اقرب مستشفى كان يمي الامومه تزلت وتوكلت ع الله وحللت
اول شي الدكتوره الي خذت مني التحليل قالتلي متي اخر دوره وقتلها جان تكتبه ع العينه مادري شكووو
وسالتني الدوره مضبوطه قتلها لا جان تقول عيل احتمال مايبين حبطتني الله يهداها
وعقب تميت انطر ربع ساعه وطلعت النتيجه الفليبنه الي يابت النتيجه مافي اي تعبير بويها الله يهداها
وخذت الورقه وانا ارجف ادور النتيجه جان تقولي حامل حامل مدام امبيه جان اطيها بجيه واهي طالع فيني
سبحان الله كنت مصدومه ومومصدقه رديت البيت بسرعه قعدت ريلي من النوم قتلها
امبيه ماصدق طقته البوهه لانه سبحان الله كان ناوي يروح الامارات يعالج عند دكتور امدحو له اياه
وهذي قصتي يابنات والحمدالله ع كل حال ابيكم تدعولي ان الله يثبته ويقر عيني بشوفته
واي سؤال انا حاظره بس في شي محيرني ليش مكتوب موعد اخر دوره بنتيجه التحليل اول مره جذي
تنصحوني اعيده احسن ؟؟؟؟؟
