السلام عليكم ورحمة الله وبركاته
على قولتهم الكتاب باين من عنوانه
وعنوان الموضوع يثبت بأن النهائي بين الهلال والحالمي
عندي رأئي وادري انه ماراح يوصل لا للإداره ولا للمدرب
وحتى لو وصل ماراح يؤخذ بعين الإعتبار أدري :s2:
تعرفون بعد بكره ان شاء الله هو النهائي المنتظر
وبكل صراحه النقطتين الأهم في النهائي واللي يتفق عليها كل من الهلاليين والنصراويين هي
مستوى الهلال في إنحدار
مستوى النصر في تطور !
لذلك حنا موعودين بنهائي غير وديربي غير عن كل الديربات السابقه اللي كنا عارفين نتيجتها بانها راح تكون لصالح الهلال بغض النظر عن النتيجه وكل ذلك لأن فريقهم لا يجاري فريقنا منذ فتره ليست بالقصيره ولله الحمد :wub::ba1:
الآن
وبعد هبوط مستوى الزعيم وتطور مستوى الحالمي صرنا نقدر نقول بأن المباراه ( قد) يكون فيها نوع من المجاراه والمنافسه على البطوله المرتقبه :yes:
نهائي الجمعه ليس مباراه والسلام عليكم
نهائي الجمعه يمثل دفعه معنويه كبيره للاعبينا من عدة نواحي .. أول شيء الفوز على الحالميين وانتوا عارفين لو فازوا علينا الله لايقوله خذوا عندكم ست شهور قدام بربره وكلام على غير سنع :s2:
ثانيا بعد أسبوع إن شاء الله بتبدأ بطولة آسيا ولقائنا مع العين الإماراتي في العين :s5s:
وترا العين ماهو مثل النصر .... وإسألوا ياسر :yes:
ثالثا لو فزنا بكأس ولي العهد راح نحتفظ بالنسخه الثانيه على التوالي بإذن الله :wub: وراح نرجع للمنافسه على الدوري حتى لو فاز الفتح اليوم على نجران بإذن الله:smilie47:
رابعا فوز الهلال بكأس ولي العهد أو خسارته هي بمثابة الحد الفاصل بين أغلب جماهير الهلال وإداة النادي .. وماٍالة إنك تخسر مباراتين متتاليتين من النصر فهذي مصيبه ! ( الله لايقوله )
قبل يوم الجمعه
ماراح اقول ليش زلاتكو مايغير في التشكيله ويحط فلان وعلان وزي كذا
بأقول لكم تخيلوا معي لو كانت التشكيله كالتالي :
الحارس فهد الشمري فبعد رحيل العتيبي حسن وبعد هفوات السديري في المباراه الماضيه من المفترض أن ياخذ الشمري فرصته
فهو ليس بأقل من السديري ولا بأطيب من العتيبي :yes:
الدفاع يرجع المرشدي أساسي فهذا هو مركزه الأساسي .. فليس من المعقول أن يلعب ظهير مكان قلب الدفاع وقلب الدفاع إحتياط !!!!
أوزيا أو المسلم بجانب المرشدي في قلب الدفاع
الأظهره تكون لياسر الشهراني يمين ( تراه يلعب يمين ويسار )
والزوري يرجع لمركزه الاساسي والي هو ظهير أيسر
ومثل ماتعرفون .. هالموسم دفاع الهلال شوارع كل ذلك بفضل إختراعات كومبواريه وتخبيصاته المستمره في الفريق !!:s5s:
الوسط لجوستافو والقرني محاور
الشلهوب وسالم أو الشلهوب والعابد متقدمين في منتصف ملعب الخصم
الهجوم
لـ ياسر والكوري
او لياسر وسعد مره وحده :yes:
أدري بعضكم بيقول سعد مايأدي ولكن صدقوني سعد قدام فريقه السابقه بيكون غير :yes:
ويسلي لازلت مصر على رأئي بأنه لاعب بارد وفيه أنانيه ترفع الظغط
هذي التشكيله تكون من بداية المباراه
ومع ظروف المباراه قد يتغير كل شي مثلا إخراج سعد ودخول الكوري أو العكس
ختاما
في ظل تذبذب مستوى الزعيم وتطور مستوى فريقهم .. نحن موعودون بنهائي متقارب المستوى
كم أنت كبير يازعيم .. الحمد لله اني هلالي بس :ba::ba1:
هذا رأئي
ماادري عاد اصلح اكون مدرب والا ارجع للبلاي ستيشن افضل هههههههههه :s2:
فالكم البطوله يازعماء بإذن الله سبحانه :ba1::ba::rose:
