ياساتر يازعماء نصف البلد عندنا راحو للرياض لمساندة الزعيم !!!

1300 كيلو بيننا وبينكم


نصف مدينتنا غادروا طيران + سيارات + نقل جامعي




مدينتنا عدد سكانها مليون و200 الف


اغلب مدينتنا هلاليه بحته في كل مكان اشوف هلالي بالملاعب الحواريه بالاسواق والمجمعات بالبر 😄 بالمساجد بالمدارس 80٪ من سكان البلد هلاليه






المهم بالبلاك بيري بالواتس اب الكل يقول باك الرياض تايم بالتوفيق للزعيم .


اناا اتواصل معهم الله يسهل دربكم وانتبهوا من الطريق وان شاء الله ترجعون سالمين وفرحانين بفوز الزعيم
وش يقولون والله ابشرك شفنا فلان معاه اربع اشخاص شفناه باخر محطه بحايل
واتواصل مع الزعماء الباقين نفس الكلام والله شفنا فلان على اليوكن معاه 7 اشخاص .


كلمتي لجمهور الرياض


الجماعه جايينكم من الشمال ضيوف عندكم
ياليت تلحقون على الكراسي اللي في المقدمه حتى هم يصيرون في المقاعد الخلفيه عشان تقولون اهازيج وهم يردون معاكم ولاتوقفون ولا دقيقه والا اقولكم






ريحوا 5 دقايق وانتفضوا دقيقه






نبي تجي الدقيقه 60 مانشوف ولا نصراوي بالمدرج يعني يكون الزعيم متقدم 3-0 على الفقراويه








بالختام


اللهم وفق الزعيم فوق كل ارض وتحت كل سماء