حذاري بأن تذهب البطوله الى المترديه والنطيحه ( تحذير )
السلام عليكم ورحمة الله وبركاته
هارد لك يا زعماء (( اقصد الجماهير وليس اللاعبين ))
3 نقاط وراحت .. الحمدلله على كل حال وهذي حال الكوره لكن
لازم نعمل بالاسباب
نمسك المشاكل حبه حبه قبل النهائي .. واللي يأيدني الرأي حياه الله
واللي بيقول انت مندس ومو وقته ومن هالكلام المكرر .. بقوله باقي يومين
عالنهائي .. الا هذا وقته .. لان لازم نشوف حل قبل ما يطيح الفاس بالراس
اولا نبدأ بالدفاع ,,,
عبدالله الزوري : مو كرهه للاخ عبدالله .. بس ماحد يسمع لاي لاعب يلطخ سمعة الهلال مهما كان .. انت لاعب مستواك اقل من متواضع .. 3 اهداف من فوق راسك
تغطيتك ومراقبتك للاعبين ضعيفه .. اللاعب يمر من عندك كانه يمر من عندك بدون اي مضايقات !! ترا مو عيب اذا قلت انا مستواي متدني وماقدر العب .. بالعكس ترا تفتك من السخط الجماهيري عليك ..
يا عبدالله انت (( كنت )) لاعب كويس .. لكن الان نقطة ضعف .. وعرف يلعبها برودوم بالمباراة الاخيره باشراك مهند عسيري وضيعت مجهود فريق كامل
اتمنى اشوفك بالمنصه يوم الجمعه :rose:
المرشدي : انا اسف .. كنت اطالب بإبعادك .. لكن اتمنى اشوفك بجانب اوزويا بالنهائي .. لانك اذا لعبت عالاقل (( ابن امه ياخذ كوره من فوق راسك ))
جوستافو : مقلب وشربه الهلال .. كنت اصيح اقول الا هرماش .. وراح هرماش مع تولوز .. وجانا الاسطوره جوستافو الدب .. لاعب ثقيل .. تمريراته قويه بحيث اللاعب الاخر يستقبلها بصعوبه .. اتمنى ما اشوفك بالنهائي .. الواعد القرني افضل منك بمراحل
عزوز الدوسري : مادري وش اللي مشتت ذهنك .. مستواك في نزول غريب .. اتمنى مباراة الجمعه ترجع عزوز اللي نعرفه
عبدالرحمن بن مساعد : انت رئيس نادي .. ما فكرت يوم من الايام تجيب دكتور نفسي لويسلي ؟؟ اللاعب ابوه على فراش الموت .. وصرح بانخفاض مستواه ان ابوه تعبان كيف تبيه يلعب ؟؟ مباراه الجمعه يا بو فيصل لازم ويسلي يتحرك يشتغل يجيب هدفين اقل شي .. احنا عندنا مكينه اهداف بس يبي لها تشحيم وتزييت وتضبط .. وانتم بالنادي ولا فكرتم تجيبون اخصائي نفسي للاعبين !!
ضروري ضروري ضروري الاخصائي النفسي قبل المباراه .. اتمنى ذلك
ياسر القحطاني : ابيك تشوف صالح النعيمه لما كان يشيل الكابتنيه كيف كان يسوي .. كان يبث الروح في اللاعبين .. يوجهه ويحمس اللعيبه .. كان هو المدرب الاول بالملعب .. يا ياسر نبي قائد حقيقي داخل الملعب .. مو خرقه تلفها بذرعاك وخلاص
في العشر سنوات الاخيره .. الهلال استقبل هالسنه ولسى مانتهت .. اكبر معدل تهديفي في مرماه !!
انا محب للهلال .. لكن ماعرف اطبل .. واللي نبهت عليه في اللي ذكرته اتمنى يتحقق .. لانه لو ما تحقق .. راح تكون البطوله لفريق المرتزقه والنطيحه
اتمنى هالتشكيله بالنهائي
السديري
الشهراني المرشدي اوزويا البيشي
القرني
الفرج الشلهوب عزوز الدوسري
ياسر ويسلي
دمتم بخير :smilie47:
