بعقلانية يجب تصحيح الوضع قبل النهائي (الزوري-بوليفار-البيشي-زلاتكو)

السلام عليكم

ياكثر ماقالنا هاردلك صار سهله على لسان الهلالي

يجب نسيان مباراة الشباب والتفكير بالنهائي هو الاهم الان

الزوري اثبت فشله الذريع بكل مباراة سواء كان ظهير او قلب دافع سيء جدا مافيه اي احتكاك مع هجوم الخصم كيف يصير قلب دفاع !! يجب تصحيح الدفاع وتصعيد مدافعين للفريق الاول قدامنا الاسيوية ماراح تتحمل الزوري واخطائه

سلطان البيشي من توقيع عقد الاحتراف ومستواه من سيئ الى اسوا اللاعب الطموح يطور نفسه للافضل
بعكس البيشي جهة يمنى معطلة تمنيت يلعب بدالة مسعد يمكن افضل منهم

بوليفار ماادري وش موقعة بالملعب المفروض اذا تقدم اوزيا للمهاجم يرجع بوليفار يسد خانته لكن اشوف بوليفار مختفي وثقيل بالحركة

عبدالعزيز الدوسري من بعد رجوعة من الاصابة الموسم الماضي ومستواه سي وبط بالكورة اتمنى يشوف نفسه اكثر ويصحح اخطائه الا اذا تشبع من بعد صورته بغلاف فيفا 13

زلاتكو اخطى اليوم خطا كبير المفروض ويسلي مايلعب اساسي ويلعب بداله الكوري خصوصا ان ويسلي علامة استفهام كبيرة لا في تحركاته ولا تمركزه شي عجيب وتغير اللعب بالشوط الثاني قلب النتجية علينا

ياسر القحطاني - الشلهوب - العابد - اوزيا- الشهراني -> ماقصرتو الله يعطيكم الف عافية

الباقي للاسف مستواهم مايبشر بالخير بالنهائي

كنت متفائل خير بلسمان الفرج لكن باصاته اليوم زفت ماادري علشان لعب بمركزه مايجيده او كيف مدري !!

من الظلم وضع الاخفاق على عتق السديري واللي يتحمل الاخطاء الصخرة الزوري وارجعوا للاهداف ولا احتكاك صحيح ماادري كيف يلعب اتمنى يرجع للمسبح ابرك له

الله يستر يوم الجمعة بس والله يوفق هلالنا الوضع لازم يتغير وزلاتكو لازم يصحح الاخطاء واتمنى يجرب بوليفار قلب دفاع بدل الزوري بالتدريبات يمكن ينجح والكوري لازم اساسي بدل ويسلي بالنهائي

والله يكتب اللي فيه الخير للزعيم

اعتذر اذا الكلام مو مرتب كتبتها على عجالة وهاردلك يازعيم !!