للي يطالبون بأقالة كانيدا .. يدخلون شويه !
بسم الله الرحمن الرحيم
حقيقه صار لي فتره مانزلت موضوع بالمنتدى بسبب انشغالي بالدارسه صرت بس ادخل واقراء مواضيع الاعضاء واشوف الاخبار واطلع من المنتدى في هالفتره حقيقه وضع الاتحاد جداً محزن ولانعرف من منو السبب يمكن يكون عدم توفيق يمكن يكون الخلل من المدرب او يمكن يكون من بعض الاعبين بالملعب
حبيت اتكلم عن هالنقاط البسيطه واوضح للبعض وللي يطالبون بأقالة كانيدا
للأسف في ملاعبنا العربيه المدرب مثل الشماعه كل مانزل مستوا الفريق بسبب ادراه او لاعبين قالو العله والسبب من المدرب وغيرو مدرب كل ماصار شي بالفريق قالو السبب من المدرب وغيرو المدرب وهذا الي الان جالس يصير وبكثره في منتدانا
طيب انا بقولكم شي اذا برود مبروك زايد يتسبب بدخول اهداف البزر يصدها ايش دخل المدرب الحين ؟
اذا نكبة المنتشري الدايمه تخلي المهاجمين هدافين على الاتحاد ايش دخل المدرب ؟
اذا سوء تغطية مشعل السعيد وعدم تمركزه صح يسبب اهداف على الاتحاد ايش دخل المدرب ؟
اذا محمد نور صار يلعب ع الواقف ومالو خلق يلمس الكوره ولا يتحرك ايش دخل المدرب ؟
اذا نايف هزازي بعشرين مباره يسجل هدف واحد ايش دخل المدرب ؟
اذا محترفين الاتحاد ماعدا امبامي مستواهم مو من مستوى الاتحاد ايش دخل المدرب ؟
يعني تبغو من المدرب انو ينزل مكان مبروك زايد ويصد لكم اهداف ولا يصير مكان المنتشري ويغطي قلب الدفاع ولا يروح ظهير يسار ويحل مشكلة السعيد ولا يروح مكان ويصير صانع لعب ولا يصير مهاجم مكان هزازي ويصير هداف
والله لو اقلتو كانيدا راح يموتون نص شباب النادي ويجيك مدرب مايعرف الاتحاد ويجلس يلعب الشايب كلهم وبيقتل الشباب
كانيدا الي تطالبون بأستقالته صعد مستقبل الاتحاد في الحارسه وخلاه اساسي حتى بمباره ديربي عشان ياخذ الثقه ويكون مستقبل الحراسه
اعطى الثقه في احمد عسيري وخلاه اساسي بكل المباريات وخلاه من افضل المدافعين
كانيدا صعد فهد المولد وخلاه اساسي ومن افضل الاعبين صار
كانيدا اعطى الفرصه لـ عبدالفتاح عسيري وخلاه يكون نجم في الاتحاد وراح يكون مستقبل الاتحاد وتذكرو كلامي انه راح يكون دايما اساسي عبدالفتاح لانه نجم
اتحدا واحد فيكم يعطيني من عام 2009 واحنا نطالب بالشباب الى هالسنه اتحدا واحد فيكم يعطيني مدرب من عام 2009 الى الان صار جريئ مثل كانيدا وصعد اكثر من 6 شباب دفعه وحده للفريق الاول وخلاهم اساسين مكان الكبار الجيل المنتهي حاليا
اتحداكم تعطوني مدرب من عام 2009 الى الان سواها ياللي تطالبون بأقالة كانيدا
اتمنى كانيدا يستمر الى نهاية عقده لانه لو ضل كانيدا الى 3 سنوات بعد 3 سنوات ماراح نشوف ولا واحد من الجيل المنتهي كلهم راح يا أما يعتزلو او يشوفو لهم نادي غير الاتحاد وتذكرو كلامي زين الاتحاد لو اسمتر على كانيدا راح يحقق بطولات لانه كانيدا سياسته انه يشيل كل هالاعبين الكبار ويبني فريق جديد لاكن هذا الكلام مايصير في يوم وليله لازم يصعد لاعبين شباب دفعه دفعه ويلعبون مع الكبار وياخذون خبره من الكبار بعدها يقول للكبار باي باي ويكون بنى احلا فريق
لاكن وين الي يفهم هذا الكلام ؟؟
انا ما اعطيت امثله لفرق ومدربين عالمين صابتهم نفس ظروف الاتحاد لانو مايحتاج لازم الكل يفهم انو الي جالس يصير بالاتحاد شي طبيعي
اول شي الديون ثاني شي لاعبين اكثرهم شبه منتهين والمدرب مشاء الله عليه جالس يبني فريق جديد اصبرو عليه شويه !
بدال ماتوقفو مع الفريق وتساندو الفريق تبغو تقيلو الرجال الي يبغى يبني اتحاد جديد اتحاد فهد المولد وعبدالفتاح والقرني والفريدي وعسيري
للأسف واقولها بكل امانه جيل نور انتهى ( زايد , منتشري , تكر , كريري , السعيد ) هالاعبين خلاص انتهو ولاكن كانيدا يشركهم مع الاعبين الشباب عشان الاعبين الشباب ياخذون خبره ومع الاجانب يعطونهم الخبره اكثر والثقه بعدها خلاص نقول لجين مع الف سلامه والف شكر للي قدمتو للأتحاد ونكرمهم بأعتزلاتهم ويجي الجيل الجديد الجيل الي راح يخدم النادي للسنوات
ختاماً والله لو كل واحد من الي طالبو بأقالة كانيدا فكر بكلامي شويه والله راح يشوفو كلام العقل والصواب الاتحاد وكانيدا محتاجين شويه وقت محتاجين صبر ودعم للفريق عشان الفريق يوصل انا عارف ومقدر ظروفكم وتعب الجمهور وصبر الجمهور لاكن والله انو كانيدا ماشي في الطريق الصحيح لبني فريق جديد فريق للمستقبل الاتحادي انا اضمن لكم غير كانيدا والله ماراح يكون عنده الجرئه انه يسويها الصبر ياجماهير الشعب ثم الصبر
( أن الله مع الصابرين )
بالتوفيق للأتحاد في الايام الجايه
واذا كنت استحق التقيم قيموني واذا ماكنت استحق التقيم مشكورين وماقصرتو على طلتكم بموضوعي
والسلام ختام ..
