جاروليم قالوا عنك .....

بعد مباراة الاتحاد الكل طلع يسب ويشتم المدرب المصيبه انه يقولون انه فقير فنياً والبعض قال مدرب فاشل ماقدم للأهلي شيء
احب اذكرهم انا تعادلنا في ديربي هو الاقوى والاصعب في السعودية وامام المنافس الازلي الاتحاد وكنا الاقرب الى الفوز.
جاروليم حملوه كل شيء بعد المباراة وقالوا انت السبب يا جاروليم في تعادلنا امام الاتحاد يعني صراحة انتم تبغون جاروليم مورينهو اوه صح مورينهو المدرب الاول في العالم واللي البعض وصفه انه الافضل في التاريخ تدري كم ترتيب ريال مدريد الحين ترتيبه 3 بينه وبين الثاني 4 نقاط وبين الاول 16 نقطة وخمسة خسائر امام فرق ضعيفة ومن يوم ما جاء وبرشلونة مسبب له عقدة كبيرة مع هذا كله ما احد طلع وقال اقيلوه هذا مدرب فاشل لا بالعكس دخل الملعب وقام 60 الف مشجع صفقله رغم النتائج السيئة هناك ناس تفهم كورة المدرب لازم يقعد له 4 او 5 سنوات مع الفريق حتى لو كان سيء حال الفريق طيب نرجع للذاكرة ورى تذكرون حال الاهلي قبل جاروليم نخسر من كل الفريق ما ننافس على اي بطولة الجميع يفوز علينا كان لنا هيبة نخسر من الجميع بنتائج كبيرة الشباب كان يطقطق علينا هزمنا 6 و انسحبنا من المباراة كنا نتمنى ناخذ المركز الخامس ولا السادس في بعض الاوقات في الدوري كان ترتيبنا قبل الاخير باختصار كنا فريق سيء
جاء جاروليم ومن اول موسم وصيف الدوري حتى اخز مباراه وتعادلنا في اخر مباراه بطل كاس الملك وصيف اسيا وصيف اسيا يعني ثاني اقوى فريق في اسيا ازحنا الكبار والصغار من طريقنا الشباب ولا مره ولا مره فاز علينا من يوم ما جاء جاروليم حتى مدربهم قال عجزت افوز على الاهلي الاتحاد صار طقطقه بالنسبة لنا كل الفرق خلينها تبكي امام الاهلي هذي نتائج جاروليم طيب ابي اقول حاجة عن خطة جاروليم امام الاهلي يا جماعة افضل خطة للاهلي اتوقع انها 4-2-3-1 لان عندنا وسط قوى جدا وممكن في الشوط الثاني تكون الخطة 4-2-2-2 لكن 4-2-3-1 ممتازة حتى اغلب الفرق اللي عندها وسط قوى تستخدم هذي الخطة عماد صراحة ادائه جدا سيء الفترة الاخيرة وممكن يلعب في الشوط الثاني طبعا انا فضلت ثلاثه لاعبين خلف المهاجم لان وسط الاهلي جدا ممتاز اسمع الاسماء اللي عندك تيسير - سيزار - الفهمي (فريب انشاء الله ) - الجيزاوي (قريب جدا من العودة - محسن العيسى - السوادي - بصاص 7 لاعبين من طراز عالي و ممتاز الهجوم عندنا فيكتور في حالة جيدة والحوسني والمحياني في حالة ليست جيدة جدا 4- 2- 3- 1 هي الانسب للمرجلة المقبلة بس لازم جاروليم يضع تكتيك مناسب لهذه الخطة و الاعبين يتعودون عليها وتشوفون اللعب كيف بيسير طبعا ممكن الشوط الثاني يغير يدخل عماد مهاجم ثاني يعني عندنا خيارات كثيرة.
قبل ما اختم ما شفت احد شكر قلبي دفاع الاهلي امام الاتحاد صراحة قدموا اداء ممتاز خصوصا اسامة هوساوي والله شال كور وقطع كور خطيرة جدا على الاهلي وكان في يومه هو و كامل الموسى.


وآسف آسف آسف على الاطالة (مع تحياتي)