ليفربول.. ميلان..والاتحاد ,, ومورينهو .. وكانيدا وسياسة برشلونة وجوه لعمله واحده ..!!

<div><b><div align="center">بسم الله الرحمن الرحيم


اخواني اعضاء ومشرفين وجماهير نادي الشعب .. نادي الاتحاد

اتمنى ان تكونوا بتمام الصحة والعافيه ..

مقدمة بـ لغة الضاد .. اما صلب الوضوع سيكون بـ لغة الشعب !

قد اكون خاطئ في كل كلامي !
واختلاف الرأي لايفسد للود قضية

ولكن ( زمن الا وعي والجهل وقلة الاحترام انتهى )

بسم الله

اولاً عنوان الموضوع هو نقاطه الي بتكلم عنها

راح اتكلم عن اوضاع اقوى اندية العالم ( عبر التاريخ ) واوضاع نادي الاتحاد على حسب المعلومات المتوفره عندي .. ممكن بعضها تكون خطأ
اولاً بتكلم عن نادي ليفربول زعيم انجلترا ..

لمتابعين الدوري الانجليزي من زمن طويل فيه احد كان يتوقع ان ليفربول يكون بعيد كل البعد عن التوب فور (المراكز الاربعه الاولى )
اكيد مستحيل .. لكن اش صار لـ ليفربول ..
الي صار ليفربول غرق في الديون غرق شدييد جداً
وصادف هذا الغرق هو قرب انتهاء جيل ذهبي لهذا النادي
هذا الي صار لـ ليفربول ما يذكركم بوضع نادي متيمين فيه ! ( الاتحاد )

كيف تعامل نادي ليفربول مع هذي المشكلة .. بدأ بتسديد الديون بكل انواع الطرق حتى لو عن طريق بيع الاعبين .. وبدا في بناء جيل جديد

اي سي ميلان ..

تقريباً مشابه لظروف ليفربول وماراح اتكلم عن ميلان لاني مادري بالضبط اي صار لكن اتوقع الديون وانتهاء جيل ذهبي هي الاسباب الرئيسيه وبدا اي سي ميلان ببناء فريق جديد

وكمان نادي الانتر مو بعيد عن هذي الظروف وكلهم مشيوا على طريق واحد ( سدد ديونك وابني فريق جديد) مايذكركم هذا الاسلوب بأسلوب ادارة فريق متيمين فيه !!

طيب نتكلم عن نادي الارسنال >>

سبع سنوات او ثمان من غير اي بطولة .. والسبب الافراط بالاعبين والسبب تسديد الديون (لكن الارسنال بشكل مبالغ )
اش سوت جماهير الارسنال .. طالبت بتغير سياسة النادي وما طالبت بإقالة المدرب او الادارة ( هنا وعي الجماهير )
طبعاً في حال ان الادارة ماغيرت سياستها راح يطالبون بإحلالها
صحيح ينتقدوا فينجر ولكن مافي احد يطالبه بالاقالة ..ممكن في الفترهالاخيره ظهروا ناس مطالبين باقالة فينجر لان الـ 8 سنوات كافية لتحقيق بطولة ع الاقل .. ( مو ستة شهور ) !!
نفس الكلام ينطبق على جماهير الميلان والانتر والليفر الكل واقف مع ناديهم لانهم يعرفوا وضع ناديهم والازمات المالية .. صحيح بيتقدوا المدرب والاعبين والادارة لكن مايطالبوا بالاقالات ..

بـختصار انا اتكلمت عن هذي الاندية عشان اوصل معلومه وهي الي يصير في الاتحاد امر طبيعي وبيصير في كل اندية العالم

( ماعدا برشلونة )

اولاً اتمنى الابتعاد عن التعصب .. وخلونا في الاتحاد بلا برشا بلا مدريد ..

انا من وجهة نظري اشوف ان برشلونة راح يكون من اقوى اندية العالم سنوات طويله وطويله جداً ادا استمر على هذه السياسة ..
ليه برشلونة راح يستمر قوي والميلان والانتر والليفر و (الاتحاد ) ماستمروا ؟؟

لسبب واحد ..
الميلان والانتر والليفر و (الاتحاد)
لما كان عندهم جيل ذهبي يحقق انجازات وبطولات ( ناموا في العسل )
ونسيوا انه راح يجي وقت وينتهي هذا الجيل شاء من شاء وابى من ابى ..
وبعضهم يقول ليش نبني فريق حتى لو جيلنا انتهى نشتري السوق موجود . لكن ماحسبوا حساب انه ممكن ينتهي جيل وينتهي معاه القوة المالية للفريق ..
من عام 1423 الى 1432 كم لاعب طلع من شباب الاتحاد للفريق الاول ؟
اما برشلونة .. لو تلاحظوا .. سياسة برشلونة تعتمد غالباً على لاعبين اكادميتهم
ثانياً .. لو تلاحظوا .. برشلونة كل موسم نشوف لاعبين شباب جدد مع ان برشلونة في دكة الاحتياط .. يكون فيها ديفد فيا وسانشيز وبيدرو واحياناً ميسي وبرشلونة يحقق انجازات وبطولات ويحطم ارقام قياسية .. فوق هذا قاعدين يجهزوا جيل جديد .. برشلونة حتى لما يلعب ضد الريال ويكون ضامن نتيجة المباراة يدخل لاعبين صغار في السن مثل تيلو وكريستيان عشان يددخلوا اجواء الكلاسيكو من الان
( وبدون ضغووووووووط )
(ماتلاحظوا ان مدرب فريقنا صار يعطي فرصة اكبر للاعبين الشباب !! )

.. يعني بختصار ما ناموا في العسل زي اصحابنا ..


الحين بتكلم عن كانيدا وبعض المدربين العالميين..
اغلب الجماهير بتنتقد كانيدا لسببين .. الاول غير هجومي والثاني توظيف الاعبين ..
اولاً توظيف الاعبين سبق وذكرت ان في الكرة الحديثه لو المدرب يطلب من راس الحربه يلعب حارس لازم يلعب حارس ويقدم مستوى مثله مثل الحارس الاساسي ..
وهذا الشي يعرفوه لاعبينا اكثر من جماهيرنا ولاعبينا مثل ماقال فهد المولد .. انا واجب علي العب في اي مكان يطلبه مني المدرب واقدم مستوى ..

بالنسبة لمورينهو من افضل مدربين العالم ..
اولاً لما جاء ريال مدريد قال احتاج 3 سنوات لبناء فريق تخيلوا 3 سنوات مع ان سياسة ريال مدريد .. يامدرب اخختر الاعب الي تبغاه واليوم الثاني عندك ..!؟؟ وفوق هذا طلب 3 سنوات غير ان مورينهو اوروبي ويعرف الكورة الاوربيه بالتفصيل يعني مثلا مثلا ماهو مدرب اسباني راح يدرب في منطقة بعيداً جداً في اسلوب لعبها وطريقة الحياة فيها عن اوروبا.. لكن مورينهو (اقصد) فتحي الجبال مدرب الفتح عربي واخذ ست سنوات مع فريق متواضع والان متصدر الدوري .. بالنسبة للتوظيف(مورينهو).. وظف سيرجيو راموس الظهير الايمن (لسنوات طويلة) لـ قلب الدفاع .. اش صار بعدها ؟ صار راموس من افضل قلوب الدفاع في العالم والدليل انه كان في تشكيلة الفيفا 2012 لافضل تشكيلة موسم في العالم
ايسيان الاعب المحور الى ظهير ايمن ..
بن زيما (احياناً) جناح ايمن ..
فيرقسون في مره من المرات وظف مهاجم راس حربه ناسي اسمه .. لعبه محور ارتكاز .. بسبب غيابات واصابات الاعبين ..
بيب غوارديولا متأكد ومليون في المية لو قلت لاحد ان ميسي راح يكون مهاجم في العمق مو ع الاطراف كان بيقولك ( انتا مجنون هههه ) لكن بالفعل سواها غوارديولا ووظف ميسي كلاعب مهاجم في العمق وطبعاً اعطاه الحريه ولكن غالبأ يكون متواجد في العمق .. اش صار لميسي .. ماسوا شي بس حطم شوية ارقام قياسية كانت مسجله بأسمه !
(ولا اقولكم خلونا من ميسي لانه حاله خاصه)
لكن الزبده .. مافي شي اسمه ليه تخلي فهد جناح مو مهاجم ولا مونتي ظهير مو قلب .. الي يقولك عليه المدرب تسويه وتقدم مستوى مثلك مثل صاحب الخانه الاساسيه
السبب الثاني .. كانيدا يدافع مايهاجم

لو نشوف قائمة فريقنا (بداية الموسم) راح نلاحظ ان اغلب لاعبينا هم محاور ارتكاز وقلوب دفاع ! فـ شي طبيعي ان المدرب بيعتمد على الدفاع
ثانياً ونقطه مهمه .. مونتي واسامة وتكر ومشعل وكريري وامبامي ونور وابو سبعان .. لاعبين بطيئين وثقال جداً .. يعني اي لاعب شاب عنده لياقه سواء كان يلعب في نجران او الفيصلي او حتى الوحده راح يقدر يخترق وسط ودفاع الاتحاد بكل سهوله عشان كدا كانيدا بيعتمد على اغلاق المساحات قدام جميع الفرق لان اي هجمة مرتده على الاتحاد راح تكون نسبة خطورتها عاليه جداً مثل ماصار في مباراة الاهلي الاخيره.. شوية مساحات انفرد فيكتور بالباب وربك ستر ..
عشان تخترق دفاع ووسط الاتحاد تحتاج بس لـ لاعب نشيط فقط .. شفنا بصاص كيف سحب بلاعبين الاتحاد واعطاها فكتور ولولا الانبراشات (بالخبره) كان بصاص اخد راحتوا
--

فيه سبب ثالث .. فيه ناس بتقول فهد يجري بدون مايطالع قدام وين كانيدا ماينبهه .. ولا يجيك لاعب عمره فوق الثلاثين مايعرف يدي كنترول صح ويديك باص غلط ومايعرف يتمركز صح ويقولك المدرب ..

ياجماعة الخير هذي اساسيات كورة .. هذي تقولها لمدرب براعم مدرب ناشيئن مو مدرب فريق أول .. بعدين ادا انتا تلعب في نادي وماعندك اسساسيات كورة خليك في الحاره احسلك ..
الحين طالب الهندسه او الطب ينتظر الدكتور يقوله جيب عدتك معاك ؟؟
ياخي هذا شي اساسي يعني المفروض مدرب الفريق الاول يكون عنده فريق جاهز مو يعلمهم الكنترول وكيف تجري وكيف تدي باص وكيف تفتح لزميلك لعب ؟؟

انا احب كانيدا لانه قال .. انا العب على امكانيات الفريق .. وهذا اسلوب المدربين الكبار .. مثل مورينهو قال اذا لعبت في ايطاليا لازم اكون ايطالي ( مدافع بحت ) وحقق ابطال اوروبا مع الانتر ولما اكون انجليزي لازم العب لعب الانجليز ( وحقق نجاحات كبيره مع تشيلسي في الابطال والدوري ) هذا هو تفكير المدرب الكبير .. الاتحاد في السابق كان يهاجم لانه لاعبين الوسط يقدروا يساندوا الدفاع بسرعه اما الحين الوضع تغير كل لاعبين الوسط بطيئين جداً
(النقطه السابقة لكل من يقول ان كانيدا ضيع هيبة الاتحاد )
وحبيت اقولكم ان ايام دميتري والعصر الذهبي كان اسلوب الاتحاد معروف ( 5 دفاع 3 وسط 2 هجوم )
-

بذكرلكم شيئين من دهاء كانيدا .. في مباراة غوانزو لعب في الشوط الاول براس حربه سوزا ونور مهاجم ثاني ونايف ك صانع لعب . كان تمويه .
وفي الشوط الثاني رجع سوزا ونور لصناعه العب ونايف راس حربه صريح .. طبعاً هنا مدرب غوازو كان يركز لاعبيه على نور وسوزا على انهم هم المهاجمين لكن كانيدا ( خمهم )
بس للاسف للاسف يجيك واحد من الجماهير يقولك كانيدا دايماً يبدأ غلط ويصحح الشوط الثاني واصلاً فزنا بالبركة برفعتين وراس هزازي بدون تكتيك < هدا الكلام الي يجلطني ..
في الاياب انكشفت اوراق كانيدا عشان كدا حط هزازي احتياط ولعب ع المرتدات من الشربيني وسوزا

الشيئ الثاني .. في مباراة الفيصلي بعد ماتقدم الاتحاد بهدف كانيدا غير نور ودخل تكر .. طبعاً الجماهير هاجت وقالت كانيدا الجبان .. لكن اش صار .. مدرب الفيصلي طلب من لاعبيه الهجوم ودخل مهاجمين هنا كانيدا دخل مههاجم (مختار فلاته ) ولو تلاحظوا اول مادخل بخمس دقايق سجل هدف بكل سهوله هو والحارس .. بس يجيك واحد من الجمهور يقولك كانيدا مفلس تكتيكياً !!

(خف علينا يا متكتك ) ^_^

خاتمة ..
<font color="blue">سامحوني ممكن الخاتمة تكون قاسية لكن اقسم بالله لجل الاتحاد فقط .. انا مابغى تقيم ولا اضافات في تويتر ولا تثبيت موضوع