قدر الله علي وصرت لاعب كوره ....!!!

انا بصراحه بقص عليكم قصتي مع كرة القدم ...
اسمي (سليمان الفرخ) ونشأة في إحدى حواري الرياض الشعبية
وكنت أموت في مطاردة القطط بين الأزقة وأرمي أي واحد فيهم من على بعد عشرين متر فأصيبه في مقتل ..!!
فلا تكاد تجد قط في حارتنا إلا وبه إعاقات متعدده من جراء تلك التصويبات المتقنه..!!

http://www7.0zz0.com/2013/02/15/00/854236910.jpg


وذات يوم وأنا أمارس هوايتي المحببه وكنت متفلتاً لإطارد إحدى تلك القطط اللعينة قادني القدر لأمر بجانب ملعب الحاره ..!!
فاستوقفني إحدى اللاعبين وقال : سوسو تعال العب معنا حنا ناقصين
قلت مايميدني عندي شغل وقطاوه كثير وخلها على ربك ..
قال تعال وخلك من القطاوه ترا إذا فزنا بنعطيك واحد حمضيات على حسابنا ...!!
ففرحت من هذا العرض الذي يسيل له اللعاب ...!!
فتوكلت على الله وشمرت عن ساقيي ودخلت الميدان

http://www7.0zz0.com/2013/02/15/00/589478388.png


لكن تفكيري خارج الملعب
فكنت أشاهد القطاوه بجانب الملعب وكان يتقطع قلبي الماً وحسره
فأنا لاأستطيع ترك اللعب واللحاق بهم حتى جائني أحد اللاعبين وقال :إسمع لعبك مثل وجهك والله إنك فاشل إنقلع ..!!
قلت والحمضيات يابو الشباب ..!!
قال مافيه إنقلع إنقلع يالله ...!!

فخرجت من الملعب كسيراً حزيناً على خسارتي لتلك الجائزه الثمينة وبدأت دموعي تتساقط
وفجأة إذا بيد حانيه تمسح دموعي ...!!!
وإذا به (فواز العابر) ولد جارنا
وأمسك بيدي وقال واشفيك ياسلمون زعلان ...!!
قلت ابي حمضيات والشباب اطردوني من الملعب..!!
قال خلاص تعال وأسجلك في النادي الي ألعب فيه وهناك بتاخذ راحتك على الأخير لعب وفله وحمضيات والي تبي ...!!
قلت يالله مشينا وركبنا في سيارة ولد جارنا الثاني (عزوز ) لأنه بعد هو مسجل في النادي مع (العابر)


http://www7.0zz0.com/2013/02/15/00/394863259.jpg


ورحنا هناك وسجلوني معهم وشفت اللعيبه الي دايم يطبلون لهم في القناه الرياضية والصحافة
وشفت مدير الكوره حق النادي ومادري ليه تذكرت مباراة المانيا والسنترات الشهيره...!!


http://www7.0zz0.com/2013/02/15/00/744372449.jpg


المهم جاني (رئيس النادي) وقال إسمع ياولد أنت شكلك موهوب ومن اليوم أنت ولدنا وودنا نوقع معك ...!!
قلت انا موافق ....!!
وتوقعت بيعطوني كل يوم حمضيات واروح البيت واجي على حسابهم ويمكن شوي يكرموني ويعطوني بلاستيشن ...!!

شوي قال الرئيس : وقع ياولد هنا ووقعت وعطوني شنطة كبيره فيها عشرين مليون ريال وسياره جديده ..!!
وأنا ماني مصدق وأحس أني في حلم


http://www7.0zz0.com/2013/02/14/23/829124552.jpg


وقال لي : بكره تروح الشرقية ..
قلت : ليه ...!!
قال :المنتخب السعودي عنده معسكر هناك ..!!
قلت : آها أجل تبوني أشجع مع الجماهير..!!
قال ياغبي أنت بكره تروح مع أخوياك الي بالنادي عزوز والعابر خلاص ضموكم في المنتخب وبتلعبون في البطوله الجايه..!!


http://www7.0zz0.com/2013/02/14/23/831817200.jpg


وطلعت من عنده وأنا عيوني مشقلبه وعقلي ملحوس ..!
شنطه فيها عشرين مليون ريال ...!!
وسياره جديدة آخر موديل..!!
وبكره بلعب مع المنتخب السعودي ...!!


http://www7.0zz0.com/2013/02/15/00/794930047.png


المهم صرت ألعب في الدوري وأكسر على كيفي وأعصب في الملعب زي مأبي واشوت الكره برا ولاحد يعطيني كروت


http://www7.0zz0.com/2013/02/15/00/258357209.png


وإذا تجرأو وعطوني كرت .......
اللجان والحكم يدبسونها في أي لاعب واطلع منها زي الشعره من العجين ...!!


http://www7.0zz0.com/2013/02/15/00/935875212.png


لكن تصدقون بعد الأيام هذي كلها الي قضيتها مع المنتخب ومع هذا النادي
ودعت تلك السعاده التي كانت في حارتنا وأصبحت أتألم بقوه
فالرياضه في بلدي صارت غير شريفه والمنتخب يضمون له كل من هب ودب في نادينا ..!!
والفلوس ينثرونها علينا نثر..!!
والإعلام يكبر روسنا ويطبلون لنا على الفاضي ..!!
واللجان يجاملون نادينا على حساب الأندية الثانية..!!
وأنا أنتظر الوقت المناسب لأنتقل لنادي آخر واطلع القهر الي بقلبي مثل ماسوى خوي في النادي (حمد المريدي) ....!!!

http://www7.0zz0.com/2013/02/15/00/177026464.jpg