نقاط مهمه بخصوص النصر +رسالتي لكل لاعب نصراوي

بسم الله الرحمن الرحيم

والصلاة على اشرف الأنبياء والمرسلين
اما بعد..


:dance:مبروك لي ولجميع العالميين الفوز الصعب على ساهر الليل:222:


حبيت أتكلم عن نقاط ممكن البعض يختلف معي في الشي هذا ولكن حبيت أطرح وجهه نظري



حبيت أتكلم عن السهلاوي
انا من أشد المعجبين في السهلاوي وانا من يتمنا أنه يكون هو نجم النصر القادم ولا أسمح لأي مهاجم أخر أن يحل مكان السهلاوي وأشكر السهلاوي على الهدف القاتل أمام العربي
ولكن اللي كان ودي أتكلم عنه هو بأن السهلاوي ليسا السهلاوي المعروف يوم كان بالقادسيه وأول بدياته مع النصر
هل السهلاوي بعد ماأستلم فلوسه خلاص معاد يقدم شي
أتمنا أن السهلاوي يراجع حساباته أول بأول قبل أن يخسر حب الجمهور

أنا أمس في الملعب وإذا ضيع السهلاوي فرصه الجمهور يغضب لأنه من الموسم اللي راح ماقدم المطلوب للنصر اما إذا باستوس أو حسني أو خالد الزيلعي إذا ضيعو فرصه يصفق له الجمهور لأن تضييع الفرص قليله لديهم عكس السهلاوي المهاجم

معقوله مهاجم بحجم السهلاوي مايعرف يثبت كنترول أو يتجاوز لعيبه الدفاع أو يسدد للمرمى
كل المميزات ذي مميزات مهاجم وللأسف الفتره ذي لانشاهدها عند السهلاوي

اتمنا إن السهلاوي يراجع حساباته لأننا أحنا كنصراويين نريد نجمنا الأول هو السهلاوي مو على النصر وبس لا على السعوديه أو الخليج كله ونقول ماعلى الله شي كايد

أنا مابي يجي أحد من الجمهور ويقول عطه فرصه شوي لا الأن أنتها عندنا كنصراويين إتاحت الفرصه نبغا القوه إذا مو موجوده عندك يالسهلاوي أعتذر وقل أنا لست قد المسؤوليه




ثاني شي حبيت أتكلم عن المبدع عبدالله العنزي

دائمن نسمع في تصريحه بأن المدرب هو من أعطاه التعليمات

بسأل سؤال

هل المدرب أعطاك الحريه بأنك تتقدم عن المرمى

شفنا هدف العربي وفيه مباريات كثيره نشاهد العنزي يتقدم


امس بعد هدف العربي

عندما سنتر النصر بعد الهدف نشاهد العنزي مزال متقدم عن المرمى والجمهور يصرخ بصوت واحد وانا اولهم يالعنزي ارجع بصوت عالي ولكن العنزي مزال متقدم


أنا متأكد 1000000000%إن المدرب تكلم مع العنزي بخصوص الموضوع هذا ولكن لا أعلم هل العنزي لايسمع كلام المدرب ولا كلام الجمهور ام أنه يعاند الجمهور في حركته ذي


:52:


رسالتي للعيبه


أقول لكم أنتم أمام الجمهور خلاص وقت الجد جد ماعندنا مجامله او كلمه تحضير الفريق او ماشبه ذالك

أعتدنا حنا كنصراووين في المواسم السابقه بكلمه عط اللاعب فرصه

الحين لا خلص وقت الفرص واللي يحس نفسه إنه مو قد النصر يقدم عذره
كونك تطلع بتصريح وتقول إن شاء الله نعوض بالمباريات القادمه ذي لا وألف لا أحنا نسينا الكلمه ذي نبغى مهما قدمت تقول ذي شويه بحقكم يالجمهورنبغى مهما تقدم من جهود تحس نفسك إنك مقصر
مو تسجل هدف وتقول أنا قدمت اللي علي لا دايم تذكر إنك تلعب للنصر وخاصه النصر الموسم هذا غير انت أمامك مسؤوليه لازم تكون قده


أبرزاللعيبه الموجهه لهم الرساله وانا ماقلت الكلام هذا إلى إني أحب اللعيبه واللي يحب من حقه يعاتب


السهلاوي
العنزي
سعود حمود
عمر هوساوي
خالد الغامدي حاول تسجل في فرص من المفترض تسدد للمرمى مو كل فرصه تعرض الكوره
الراهب (لاحد يقول جديد عطه فرصه)


والسلام عليكم ورحمه الله وبركاتة
اسف على الإطاله بس تراه أنا أحب القرق هههههههوخاصه إذا كان فيه مصلحه للنصر



تحياتي لكم مدرس الماده
:smilie (82):أبو عبدالله:dohaup_1223044079 :
ههههههههههههههههههههههههه ههه