شرايكم بأوربا بهالشهر وشرايكم اودي بنتي ولا اخليها
السلام عليكم
طبعا انا عشرين مره اخطط وعشرين مره اكتب موضوع مادري متى تيي هالسفره :( الله يرزقني بسفره حلوه
اول شي فكرت اسافر مع زوجي شهر 5 اوربا ماحددت بضبط بس نيه المانيا وفرنسا او المانيا وايطاليا 12 يوم 13 يوم جذي بس مع الاسف 80% تتكنسل سالفه السفره بشهر 5 لان للحين مابين اذا زوجي يقدر ولا لا بس احتمال مايقدر ومايمدي يبيله وقت على مانحجز وندور
وانا ولامره رحت اروبا
فكرت بنهايه 10 يمكن الله يرزقني بالحج عقب الحج اسافر بس قلت اخاف تعب وهم خفت مت البرد
فكرت اسافر بعطله العيد شهر 8
شرايكم شلون الجو شهر 8 باوربا وبالعيد شالاجواء هل زحمه ماتنبغي ولا عادي يمش الوضع
وعن بنتي بأذن الله تكون سنه و 8 شهور جذي شرايكم اخذها ولا راح اتعبنا ؟ فيدوني بهالسالفه
ناطره ردودكم وجزاكم الله خير
