يا شاربين الكيف هاتوا دلالــــــــه = مايستوي كيف(ن) بليّا معامـــــــيــل

[size="5"]
يا شاربين الكيـف هاتـوا دلالـه
مايستوي كيف(ن) بليّـا معاميـل
لا تخلفون الكيف عن ما مضى له
خلوه يبقى كيف وانتـم رياجيـل
هاتـوه بدلالـه وهـذا جمـالـه
ولاّ اتركوه وحافظينـه مشاكيـل
تراه لـه شـروه وذوق وشكالـه
ماهو سليق(ن) يشربونه مهابيـل
الكيـف غيـرتـوه واعزتـالـه
دارت دواليب الدهر فيـه بالحيـل
يحمس بصاج وبدل النجـر بآلـه
ما باقي(ن) من رسمه إلا الفناجيل
يا مخلفينـه عـن بهـاه ودلالـه
وش فايدة دفع الدنانيـر بالكيـل
إن كـان رغبتكـم بحبـه لحالـه
سَفّه من الراحـة وحتـه بمنديـل
أخير مـن سوقـه بدلـة نذالـه
غماَ تقل خرطومها منخـر الفيـل
ماهي لدسمين الشـوارب نفالـه
ولا يستوي في بطنها حطت الهيل
الهيل كيـف معطريـن السلالـة
ذباحة الخرفان مع دمّـس الحيـل
تلقى على حيـد المنـارة حثالـه
أما العشاء ولا بعـد تالـي الليـل
ينثر حثاله عقـب شربـوا زلالـه
وعقب السوالف كلهـا والتعاليـل
سوالف(ن) ماهي سوالف رزالـه
والا علوم ملفـق القـول والقيـل
في مجلس صف المصافي بجالـه
مثل البطاط اللي على ناقع السيـل
ماهي علـوم مضيعيـن الرجالـه
يبون روس وعوّدو للبشـر ذيـل
ناس(ن) تميل من الكسل للهزالـة
تعلمـوا فـن الكسـال المهازيـل
غزو(ن) تغشاهم وقضبوا جلالـه
زيف(ن) درج سيله وجوله مقابيل
والسلم الأول حل سلـم(ن) بدالـة
والجيل الأول حل عقبه بعد جيـل
حتى العوارف عـودوا للجهالـة
في البيت شايب واحرفوه الجهاهيل

الشاعر/مقحم حمود بن شحيبان

[align=center]
الخنفري
.
.

تسلم يالغالي على الاختيار الجميل

لا تحرمنا جديدك ..

بانتظار القادم من اختيارك




أخوكـ/خالد[/align]

الاخ خالداشكرك على مرورك
ونورت الصفحة

نقل جزل


اشكرك اخوي

يسلااام وياسلااام على القصيد الجزل

ويني عنها من زمان

على العموم صح إلسانك ولسان شاعرها

*** تشكرات ***