معلم مريض كل يوم ارجع من المدرسة وانا تعبان - الفروقات حقنا وهدفنا

بداية الحمد لله على كل حال

معلم في الخدمة 4 سنوات وكل يوم يزيد همي لما افكر في معاناتي واحتاج منكم دعواتكم وتوقفون معي في مصيبتي

بداية المشكلة في ايام الجامعة جاني طنين في الاذن فجاة لما رحت الدكتور قال عندك ضعف بسيط في السمع والطنين ماله علاج سلمت امري لله ونصجني ابتعد عن الازعاج والتوتر واعايش المرض


مرت الايام تخرجت من الجامعة ودخلت التدريس وياليتني مادخلت الحمد لله على كل حال

تعينت في ثانوية عدد كبير وازعاج

كل يوم كنت اروح البيت وراسي بينفجر من الازعاج والصياح قلت اتحمل شوي يمكن تزين

مع الوقت في التدريس حسيت ان السمع بدا يضعف رحت الدكتور مرة ثانية وفحصت السمع حصلته اضعف من اول نصحني مرة ثانية ابتعد عن الازعاج والتوتر ولما عرف اني مدرس تغير وجهه وكانه يقول ان التدريس بيتعبك اكثر


فكرت احول اداري على مرتبة بس كل من استشيره ماينصحني بالتحويل وينصحني انقل ابتدائي وظرفي الصحي مايعرف عنه احد حتى اهلي مايعرفون ابد مثل ماتعرفون نظرة المجتمع والقبيلة



فكرت اقدم على اللجنة الطبية بس والله خايف يعطوني تقاعد مبكر ومالي بعد الله الا هذه الوظيفة

انا الحمد لله اسمع عندي ضعف بسيط ولكن المشكلة في الاصوات العالية والازعاج ما اقدر اتحمل

اعذروني كلامي غير مرتب