شتسوووون. !!!!!

شلونكم بنات. اليوم بقولكم موقف غريب عجيب بالنسبه لكم ولي لكن بشوف رايكم فيه شوفوا قبل جم يوم رادين من دبي انا وزوجي وعيالي وبالطياره ترتيبنا ماكان يم بعض بصراحه كان زوجي وعياله الاثنين يمه وانا وراهم بجم كرسي ليحين ماكو شي بس الشي اللي ماعرفته تخيلوا الا بعد ماوصلت البيت ومن بنتي اللي كانت يم ابوها بس الصوب الثاني ان زوجي كانت قاعده يمه وحده مغربيه😊😊😊 وبناتهم عيالي الاثنين الصغار يتهاوشون عالمكان وهي قامت تعلق عليهم وتسولف معهم وطبيعي طق سوالف مع الابو هالحجي قالتلي اياه بنتي ان ابوي يسولف مع المره اللي يمه انا ليلحيييين ماكاو مشاكل نهائيا والموضوع حده طبيعي فعلا لان الثقه موجوده واهو هم عادي يعني فري بالعربي وبصراحه ماعندي اي مشكله المهم اللي صار ان وصلنا البيت وماجاب طاريها كلللش. وبنفس الوقت بنات بقولكم شي ان زوجي كان ياخذ ويعطي مع المظيفه المغربيه ايضااااا وانا ورا اسمعهم ان يطلب منها بيبسي وعصاير لعياله ولان كنا على فلاي دبي فتعرفون نظام عربانه واطلب اللي تبي وانا ورا اشوف المظيفه معطته وجه عالا خر وسوالف وضحك وانا اعرف زوجي يمصخها بهالامور لكن هم عااااااادي بتقولون ماتغارين اقول لاوالله واثقه بنفسي واهو اساسا عنده هالشي عادي لان دارس بجامعه الخليج اختلاط ومتعود وانا بصراحه اقول جدامي ولا وراي هالحجي يسير المهم بعدين اللي صار انه طلب الديوتي فري اللي اهوا الشغلات اللي تنباع عالطياره وطلب له جم شغله بس من مظيفه ثانيه مصريه واشوفه طول المهم انا ماهتميت على فكره اشكثر يسافر بس نادر ماياخذ من الديوتي فري اللي حصل ياخوات ان ردينا البيت وبعد الحوسه والاغراض ولهينا وجا الليل الا يقوللي ماشفتي الساعه اللي شريتها لج قلتله احلف 😳😳استانست حيل لسببين لاني ماشريت شي من دبي ولان شاري ساعتين نسائي ورجالي نفس الشي وهالحركه عجبتني حيل المهم جيييييييييييت بلبسهاااااا الا يقول بصراحه كنت كنت بعطيها المغربيه اللي بالطياره انا هني عصبت وحذفت الساعه عليه وطلعت مشيت الامور عادي لان بصراحه علبالي المظيفه المغربيه وهي كانت حلوه واهني احتريت المهم اني حيل عصبت حسيت كرامتي وصلت الارض. وهالاحساس اول مره احسه من باجر عصب وتنرفز وانتي متى مابغيتي اعصبين تعصبين ومتى مابغيتي ترضين ترضين قلتله لاوالله هديه وموناويها لي ناويها للمضيفه وعادي عندك؟؟؟ جان يقوللي اي مضيفه من يقول اني اقصد المضيفه اصلا انا اقصد اللي قاعده يمي قلت بعد لك عين تكرر السالفه جدامي على فكره بنات زوجي طيب ويحبني بس مادري الحين انا ماحطيت الساعه بايدي وحاز بخاطره حيل اني ماقبلت هديته اشرايكم لو كنتوا مكاني شتسووووون ؟؟؟؟ ادري والله طولت عليكم لكن عشان تفهمون الموقف عدل 😘😘😘😘😘😘😘