مشكلتي مو جديده لكن تقهر

السلام علييييييكم


بنات مشكلتي ان زوجي طيب معاي والحمدلله لكن ماينطق بحرف جدام امه

انا ساكنه معاهم

بعض المرات تصير اشياء فيها غلط بحقي انطر منه رده فعل او حتى كلمه لامه بس مجرد كلام بدون اي هواش او زعل

ابد ماينطق

كان يقص علي يقول انا كلمت امي وفهمتها بس يطلع كله جذب

مدري هو خوف او ضعف

بس عادي هذول اخواني ساعات يكلمون امي وتصير مشاكل وتمشي الحياة

لكن الي عندي مدري شفيه

صار لي 5سنين معاهم مليون مره يغلطون ولاياخذ بحقي

رحت لهلي وكلمت ابوي وابوي كلمه وفهمه انه البنت ماتبي الا حقها

بس رديت البيت والوضع مثل ماهو

اقولكم بس موقف كنت توني مربيه وللحين بالمستشفى وهو كان موجود مع امه وخدامتي وقلت له ابي الخدامه تبات معاي لان خواتي دوامات رفضت امه قالت انا ابيها تمسك ولدي الكبير زين خدامتي يوم واحد ترا مايفرق مايتحملون ضناهم طبعا هو كشر بوجهي وقال خلاص مايحتاج تاخذينها

هذا ابسط موقف مر علي

وصلت لمرحله ان كارهته وكارهه اهله لاتلموني كل شي سويته ولا يحس يبني اصبر

اصبر لمتى احلا ايامي قاعد تروح وانا بس منغثه

يعني هذا شينفع معه