نصيحه عن جمل فادتني حيل

السلام يا مدامات
أن شاء الله بخير
بنات مره كنت زياره عمتي وعمتي هاذي ماشاء الله عليه سنعه وعن مئة رجال والكل بالعائلة يشهد لها
وكنه متفقين نروح البر حاجزين استراحه المهم أنا وبنت عمتي حيل مع بعض
وكنت إدري أنها زعل انه مع زوجها اول ما دخلت سالت عنها فقالت عمتي تلقينها فوق
بغرفة أختها وأول ما دخلت عليها لقيته لابسه بجامه وشكله كانت تبجي بس ماتبين لنا
دخلت علينا عمتي وقالت يلا جهزو نفوسكم عشان بعد الغدا بن روح البر فمارضت بنتها
قالت يما مابي اروح >> ماكنت بتروح عشان انه متضايقه أنها متهاوشه هي وزوجها
فقالت عمتي شوفو أخذها نصيحه الرجال مايحب المراه الي تركض ورآه
يحب المراه الغامضة الصعبه والقوه لأتبين له أن هو كل شئ بحياتج عشان مايستغل
هالشي لصالحه بينه له أن اهو شئ مهم بس مؤ كل شئ وقعدت تزف بنتها
وتقولها قومي أخذي لج شور تمكيجي والبسي واضحكي وسولفي لاتعزلين نفسك
ودزيله مسج أنا بطلع مع أمي للبر أوكي بين له أني عايشه من غيرك
بس لا تتلفظ ين فيها وإذا انتي غلطان وتهاوشتي معاها احرصي قبل لا تطلعين
من بيتك انج تعتذر ين منه وإذا أصر انه يوديج اهلج قولي الي تشوف
وروحي الغرفة البسي وتمكيجي وتعطير مو تروحين بيت اهلج جنح رايحه
عزا عشان هوا زعلان انتي سويتي الي عليج اعتذرت وخلاص مؤ تطيحين
عالسرير وتبجبجين ولا تاكلين وما تطلعين وعاقده النونوه ووجهة يسد النفس
لا كحله ولاحمره علي بون هو زعلان وإذا دق أبين أني مزينه وارد بصوت
وطئ كني باجيه وجنه الدنيا راح توقف دير بالج تسوينها
والله يا بنات عمتي تتكلم وأحس نسولف عني
أنا جذي إذا زعلت بس ابجي ولا اطلع بس ارقب حركاته بالواتس اب متى دخل ومتى
طلع عاد آخر مره سويت مثل ما قالت عمتي حبيبتي صج أنا غلطانه قالي روحي بيت اهلج
اعتذرت منه ورحت الغرفة لبست وكشخت كأني زيارت أهلي عادي وتعطرت وأنا توني بطلع
جان يقولي انتي وين رايحه جذي قلت بيت أهلي وقالي ليش كاشخه قلته ليش
في شئ قالي لا خلاص بس أخذي لولدج ملابس حق أسبوع قلت أوكي ورجعت
أخذت وهو يطلع فيني فتحت كبتي وأخذت لي جنيز وجوتي رياضة قالي انتي
ليش أخذي هال ملابس يمكن أروح للبر وأكيد راح أعطيك خبر إذا بنروح
والله يا بنات قاعد يخزني ورحت لأهلي ساعتين ودق علي قالي وينكم
قلت فبيت أهلي استغرب لانه العاده ارد عليه وصوتي مبحوح مت البجي
هالمره خواتي يضحكون ويسولفون والله خلاني بس يوم وثاني جاه أخذي
يقولي انتي غلطانه المفروض أعقابج وما تطلعين مكان
بيني وبينكم هذا الي أبيه أبي أزعل فبيتي فديت عمتي والله حيل وعنتي