مدري ليه غيرانـه مني , ربي يهديها يارب

:eh_s(17):

صـبـاحـكم خـيـر وبـركـة وصـحـة وعـافيـه للـجميع ان شاءالله :eh_s(17):

والله أنـي تـرددت كثيـر أنزل الموضوع ولالا ...
بس اللي فيني ماحب اشكي حالي لا لأهلي ولا شخص قريب مني ((هذا طبع فيني ))

لكن مشكلتي لو اكتم بقلبي تصيدني حاله غريبة جدا
أختنق وياليت بس اصير مخنوقة يمكن استحمل بس تصيدني حاله اغماء لا ارادياً

وسبب غيره (كنتهم) الاولى مني انا الثانيه طبعا ..
صار على زواجي تقريبا سنه يعني بكمل السنتين ماباقي شي ..

كنت اسكن بشقة لكن الظروف شوي خلتنا نطلع ونسكن في بيت اهل زوجي
والسبب نبني بيتنا وقلنا نوفر وتعرفون يا بنات كل شي صار غالي
وانا ودي في بيتي الجديد اسوي ديكورات وترتيبات حلوة ودي ودي ابني قسم اكبر واعدل ...
بختصار انتو فاهمين بنات البيت يبيله اشياء كثيره مثل جذي نقلنا ورحنا بيتهم لين مايجهز بيتنا
بذن الله تعالى ..


بعطيكم فكره بسيطه عن اهل البيت ام زوجي ياحلوها كأنها امي الثانيه ويااااافرحتهااا فينا
يوم جينا نسكن عندها تلووولش من الفرح وياهلا ويامرحبا ودوم تكرمني وتبديني انا الاولى
اذا في شي عندها وين فلانه وين بنتي نادوها وانا خشيت لها كيك وانا سويت لها اللي تحبه اليوم
والله انهااا كريمه واحبها ربي لا يحرمني منهااا مافي الا هي بالبيت وكنتها وولدها

كنتها سبحان الله من جيت وهي مو طايقتني لا تسلم مني والطريج اطالعني بنظرات حقاره الله اعلم ليش ؟؟!!

حتى اول ماجاوا يخطبوني كانت معاهم اتشوف بيتنا واطالعني من فوق لي تحت انا حسيت بس سكت قلت وش علي منها انا الا بسكن بروحي ماتوقعت بيوم بكون معاها في بيت واحد ..

ويوم صار خاطري بربيان وجان اقول للخادمة اليوم سوي الغدا كبسة ربيان مشتهيه ربيان والله يا بنات رحت الدوام ورجعت الا الغدى دجاج قلت لها وين الربيان تقول المدام قالت خلها تولي

هي ماتداوم وهي طالعه فيها اول بأول فالبيت تسلم على ام زوجي وانا ولا كأني موجوده
تروح عند زوجها تتشكى ويجي زوجها يقول زوجتك كل يوم طالعه طلعه يا فلان انا زوجتي ماتشتغل خلها اذا تشتري شي بالخش !! لاتشوفة زوجتي انا الا راتبي ضعيف من وين اوفر لها اللي تجيبة زوجتك والله يابنات تنقصت لأم زوجي عطر وراحت تركض عند زوجها ودني السوق بشتري لأمك عطر اغلى من اللي جابته فلانه زوجي قالي هالكلام انا مادري ههههه شي يضحك ...

تسألني رحتي دبي يقولون بدون نفس قلت لها اي يختي يمدحون جلاليبهم وعباياتهم خذت لي ولخواتي وامه طبعا تقول اهاااا بخياس على كم قلت والله عباياتهم مو سهله خذت عادين على 30 دينار 4 للدوام لأني احتاج و 2 حق مناسبة الوحده ب120 دينار لأنها فيها سوارفسكي

وطيري عند زوجها وتهاوشت معاه بسبتي زوجها يوديها دبي قال لها فلانه تشتغل وعندها رابتها
وفلانه تسوق وانا مانعني وتصرخ وصوتها ينسمع يم غرفتي ...

زوجي عصب علي يقولي بعدين وياج ليش تخلينها تتهاوش قلت انا مالي شغل هي تسألني شسوي انا .... امنع روحي واذا اشتري شي اخشه شالحاله !!

انا متعوده من بيت ابوي دوم اكشخ وحتى بالبيت احط ميك اب من يوم كنت مراهقه والله شسوي هذي اانا وقبل ماياخذني زوجي معلمته ترى هذي انا لا تقول بكره ليش ماليش قال لاانا احب عادي


الا تقول هي رايحة عرس ! ولا يوم شفتج من غير ميك اب

يوم شاني ويهي يا بنات كله حراااار ودمامل واعتفس

واخر مره نرفزتني جد انكسر الكاس من ايد ولد اخته ورحت اركض عن ام زوجي اخمه الا اهي جايتني وانا اخم بالارض وتخمه برجلها في وجهي تقول اهني بعد زجاج صغار خميه زين برجلهاااا
هذي حركة وقحة بصراحة قلت لها بنادي الخادمة احسن وسكت عنهاااا

شوي جاتني ولد اخته يصيح يبي علبة الماي الخاليه يبي يلعب فيها واهو بحضني رحت تجيبها له ورمتها بوجهي تقول عطيه سكتيه وايد يصيح ماجابتها لي وعطتها بيده ولا بيدي لا رمتها معصبه

حالتها حاله معاي اطالعني على لبسي على طلعتي ومشترياتي ولبسي مكياجي شغلي

حتى رزقي مطالعتني ولا تكلمني كل هاي غيره لاحول الله ولا قوة الا باالله هي عمرها يا بنات 26 او 27 بهالحدود وحالتها صعبة


شنو الحل معاها انا الحين صرت ماطلع اتم بالغرفة واتملل ابي اجلس مع ام زوجي ومن اجلس ادقق في كلامي وتروح تركض لزوجها تتشكى صرت من اشوفها ادخل غرفتي عنها

والهي نفسي بالنت او اي شي ثاني وادعي ربي يرزقني الذرية الصالحة اللي تلهيني عن كل شي وتونس وحدتي والله تعبت والله تعبت :(