عملية وايد مهمه حق القطاوه

بقولكم قصتي مع قطاوتي، من قبل 6سنين شريت قطوه كبرت صارت تبي تتكاثر اجرت لها قطو يابت منه ذكر وانثى كبروا وقام هالذكر
وحمل الام واخته بنفس الوقت وولدوا بنفس الفتره المهم صار عندي 13 قطو بالبيت فا صار لازم اوزع الصغار طبعا عقب 3 اشهر لما تأكدت انهم صاروا بعاد عن الام والله قلبي تقطع على كل وحده وزعتها وكنت ابجي مع اني اسوي تحقيق واسأل عنها من فتره لي قتره ، المهم بقالي 3 قطاوه ونفس الفلم صار مره ثانيه ووزع وقلبي يعورني وندمت اني عطيت ناس ماتستاهل تعبت من هالحاله فا وديت الذكر عند يدتي تحب القطاوه وانا بالاساس تعلمت اني ادير بالي عليهم منها فا مافي خوف ضلو الام وبنتها قاموا يحنون يبون يتكاثرون فا الدكتور قالي
لازم تسوين لهم عملية الرحم علشان ما يحنون مره ثانيه لان هالعمليه ماتخليهم يبون ذكر ومن فوايدها اطول بعمر القطاوه "بأذن الله طبعا" زياده وتمنع سرطان الثدي عند القطاوه لان اغلبهم
يموتون والناس ماتدري الا اخر شي وووووايد مدحلي ياها وقالي تسوين خير لان جو الكويت مايسمح ان القطاوه تتكاثر

ووسوينه العمليه لهم والله العظيم انهم صاروا نشيطين عقب يومين من العمليه يلعبون ومستانسين جنهم ردوا صغار والله اخر الطواله هذي
بقولكم والله ان انا اموت بشي اسمه قطوه واخاف عليهم وايد فا نصيحه سوها حق قطاوتكم ولا توزعون اليهال حق ناس ماتستاهل واذا
ملوا منهم قطوهم بالشارع واهمه شيرازين ومو متعلمين الا على اكل معين ومكان معين

سوري طولت بس بليز قبل لا تحكمون سوو سيرج عن العمليه بعدين حكموا

اختكم حور