رواية (ابيك بشرك وخــيرك) روايتي الثالثة جريئة حب بعد نجاح غموض المراهقات وكويتيات

تخــــــــليني !! واروـــح لميــــن انا مالي احد غـــــــــيرك قهــــــر اني اليــــــن الحين ابيــــ ك بشرك وخـيرك ..

هذي ماكانت بداية قصتي

بالواقع هذي كانت رنة تلفون فرح الي كان يطحن طول الطريج وكان يسبح تحت الكشن وبعد بحث طوييل اخيرا ..

رفعت فرح السماعة

فرح : اووووووف شكثر تحن كنت بسوي حادث بسبتك زين ..

خالد : اشدراني عنج ادق ادق ماتردين قلت طنشتي ولارديتي نمتي ..

فرح : لايبا كاني صفطت ..



صفطت فرح الرينج روفر بمسافط ستار بكس الجابرية 2012 ابيض فول اوبشن ورنقات سبشل ديزاين كان ينعرف رنج فرح من رنقاته لانها تفننت فيهم .. وو مابي اصير صبي وانا اقولكم عن رنقاات يعني خنكمل المهم طبعا من نزلت فرح الكل كان يطالع بنات شباب الكل كان شفقان وخاصة البنات اليعينها رايحة علا الكعب والي بتموت علا جنطتها الشانيل اللمتد ادشن ولا علا الليقنزالتايجر الي مطلع جسها صحح ولا شعرها الي صابغته علا اخر موظة مايا ذياب بس تبون الصج كان عليها احلى بوايد من مايا ذياب خاصة ان امتزج مع بشرتها البيضة المخمليةوعيونها الوساع والبلاشر البرونز الي دايما تحطه ..



قربت فرح من خالد الي كان قاعد على احد الطاولات ..

حذفت جنطتها الشانيل علاالكرسي الي يم خالد واقعدت علا الي قباله ..

فرح : الحين مالقيت الا ستاربكس الجابرية اووووف زحمة ماحب جذي ترى ..

خالد : أي وخاصة الكل يطالعج بعد شوي ييون يتلقفون البنات ويسألونج نفس كل مره ..

فرح : أي عادي عادي ظريبةالشهره .. المهم وين العقد ؟؟

خالد : أي كاهو يبته معاي شوفي والله هالمجلة عالمية يعني تدرين شنو بتملينين منهم ؟

فرح : أي اووووووووف خلنتهنى ياما كلينا شقى .. عطني بس عطني خنقرى ..

خالد : ابصراحة فرح انا موبس دقيت عليج عشان هالموضوع ..

فرح رفعت حاجبها الايسر وهزت برأسها بستفهام ؟؟

فرح : ها شنو بعد ؟؟ في عقدثاني ؟

خالد : لا .. ب..س انا كنت..

فرح : اشفيييك !! لاتقولي احتكار بعد ..

خالد : لا الموضوع مو جذي ..بس عادي توعديني اذا ماوافقتي عليه مايتغير شي بينا ؟؟

فرح : قول وترتني ..



طلع خالد من جيبة علبة صغيرهونفس الافلام فتحها و ..

خالد برتباك : تتزوجيني ؟

فرح شرعت حلجها :هه !!!لاتقولي هذي من نكتك المليقة جب بس جب الحين اشيل الخاتم ينقزلي ضفدع من تحتهههههه صايدتك والله ..

خالد : فرح انا اكلمج جد اناابيج علاسنة الله ورسوله ماقاعد اتغشمر وبكامل قواي العقلية ..

فرح : خش العلبة بس مو ناقصةاشاعات تكفة العالم تطالع وبسوي نفسي ماسمعت شي ولا كأنك قلت شي اوكي خالد .. خلاص انا باخذ العقد اقراه عدل بالبيت وبينا الو ..



سحبت فرح جنطتها والتفتت عشان تشوف طريجها وتطلع .. ولا بويهها شاب وسيم طويل عريض مجسم علا الخفيف اسمراني وغمازتة كانت واضحة حيل لمن شافته لان كان يضحك .. وكانت معاه بنت متوسطة الجمال بس مبين من لبسها انها بنت فلوس ..

وفجأة اعتفس ويهه يوم لمح فرح وفرح نفس الشي حست ان دموعها بتنزل بس جاهدت ان ماتفكر عشان ماتنزل دموعهاوالفتت علا خالد الي كان قاعد ومأيس ..

فرح : خالد قووم ..

خالد قام من طولة : شفيج ؟

فرح : تعال



ومسكت فرح ايد خالد حييييييل ولزقت جتفها بجتفة ومشت واهي تتصنع البسمة وطالعت مشعل بطرف عين ومشت بس طلعت بره ستاربكس تغيرت ملامح الكبرياء وبدت صج تنزل دموعها ..

خالد حس ان فرح فيها شي ..وقرر ان مايسألها لان يعرف فرح وقت الضيقة ماتحب تتكلم الى لمن تهدى ..

خالد : اوصلج ؟

فرح : لالا مشكور يالله باي..

خالد : حافظج ربي ..

ركبت فرح سيارتها وشغلت الافام وكانت هالاغنية الي امتزجت مع احاسيسها ودموعها .. وكان بهالمقطع ..

ااااااه ياعمري الي ضييعته ّّ

اااااه ياقلبي الي انا بعته ّّ

ياعينن بكت ظلمك وايدن بنت حلمك ّّ