خيانه زوجك شلون تعايشتي بعدها وشلون قدرتي تصبرين نفسك.. موضوع للنقاش

مرحبا بنات
اول مره اكتب بهالقسم لاني صج احبكم واعتبركم خواتي
موضوعي باين من عنوانه كل وحده الله يصبر قلبها بتلت بخيانه من زوجها تقولنا شلون تعايشت معاها وشلون مشت ايامها
انا نفسي ببتدي
من دريت صار لي سنه مو قادره انسى ولين يومكم ابكي بروحي ومحد درا عني وزوجي نفسه مو داري اني عرفت بالموضوع لاتقولون تنبشين من وراه الله شاهد مانبشت غير ان مره كان راجع من دوره عمل وانا مجهزه كلشي البيت كامل غيرته عشانه وحتى ستايلي وغرفه نومنا جيت بشحن جهازي الا ويصادفني مسج ع جهازه تعرفون الايفون يظهر بالشاشه كان مسجل ببرنامج وشفت الي شفته جاني نهيار وبغيت اموت كلام ماتوقعته منه اشك بروحي وله اشك فيه مع انه زين وياي ويحبني موت بس عجزت افسر هالتصرف وانا ماقلت له لان مو راعيه مشاكل وله ابيه يدري بضعفي وقايلهم ان انا مقصره وانا مو مقصره خصوصا بالي ذكره اظن عشان يمشي وياهم
هو مرات يدخل يشوفني ابكي اتعذر بالدوره او ضغط البيت او اي شي انتوا شتشورون علي اصارحه وله اسكت احس بقلبي غصه ماعدت اثق فيه تجيني كوابيس ان بيسويها ويلعب من وراي بنات مو مدحه لا والله بس انا معروفه اني حيييييل طيبه وحنونه واهل زوجي يشهدون لي بهالشي ويحبوني موووووت ويقولون له مرتك حياها وطيبتها نادره
فهو كل يوم يقول مو لاقي نفسج وانتي الكل بالكل فلين يقول جذي ابكي يسالني اقولها تاثرت وانا ابكي من حره فيني زين دامي جذي ليش جرحتني وسويت فيني كل هذا هل انا استاهل!!!!! طبعا صدت شي ثاني بعدها والله المستعان شوروا علي اصارحه بموضوع صار من سنه بس جرحه كنه توه بادي وله ابلعها واسكت:eh_s(2):
لكم المايك !،،،،