السلام عليكم ورحمة الله وبركاته :p
طبعاً انا هااذذي مو عضويتي عضويية بنت خالتيي :eh_s(2):
بس قررت انزل روايتي من عضويتها :D
المهم هاكم الرواية ماعرف اكتب مقدمات :eh_s(2): : ---
بسم الله الرحمن الرحيم
فتحت دفتر مذكراتها و أصبحَت تقرأ و تتذكر جميل ايامها التي مضت بصحبة صديقتها المبتعثه في الخارج , فقاطعها رنين هاتف المنزل /
مشت مسرعه كي تجيب على الهاتف : الو , اهلاً .. اي نعم هذا بيت سمر , منو اقولها ؟ حياج الله !! مع السلامة (وأغلقت الهاتف )
بعدما اغلقت الهاتف صعدت الى غرفة سمر ,, : سمر بطلي الباب !!
سمر : تفضلي الباب مفتوح ..
دخلت الغرفة ورأت سمر ملقاة على السرير وتبدو انها متعبه جداً , : سمر اذا مشغوله اكلمج بعدين
سمر : قولي شعندج
,,, : اتصلت فيج وحدة ينقال لها - حور - !!
سمر شهقت : حووور !!!!!!!!!!!!!!!!!!
,,, : اي حور وقالت تبيج بموضوع يخص المدرسة
سمر طلعت من غرفتها تركض تتصل على حور !
سمر : الوووووو !!
حور : اهلا حبيبتي
سمر : من الصبح وانا انطرج تدقين ليش طولتي !!
حور : الله لا يوريج اللي مريت فيه
سمر : ليش شصار ؟
حور : سالفة طويلة لما اشوفج اقولج
سمر : من صجج انتي عبالج بصبر انا !!
حور : اليوم اقدر اشوفج ؟؟
سمر : وين ومتى
حور : ببيتكم او بيتنا !!
سمر : لا ببيتكم احسن بيتنا اختي –الزين- لزقة !
حور : اختج الزين اهي اللي ردت علي صح ؟
سمر : اي اي !!
حور : خوش عيل خلاص انطرج ببيتنا حياج الله
سمر : الله يحيج يلا باي نشوفج ..
حور : باي !!
· الشخصيات :
الزين و سمر خوات ساكنين بـ فيلا و عندهم اخ ساكن معاهم بس اغلب وقته برا البيت و امهم متوفية و ابوهم متزوج على امهم وعندهم اخوان وخوات من ابوهم , راح نعرفهم بالاحداث ..
الزين : شابة تدرس بجامعة الكويت .. في بداية العشرين من عمرها !
صفاتها : طيبة على ويهها , تخاف على اختها و اخوها وايد .. حريصة على مصلحتهم ..
مواصفاتها : طويلة , بيضاء البشرة , شعرها كستنائي يوصل نص ظهرها , ذات قوام رشيق , ملامحها عاديه لكن ماتهتم بنفسها وايد ..
سمر : مراهقه , عمرها 16 من توفت امها صارت مايهمها شي واللي براسها تسويه , عنيده لدرجة مو طبيعيه
مواصفاتها : طويلة بس مو اطول من اختها الزين , شعرها بني غامج , يوصل اخر ظهرها , ملامحها عادية , نظراتها تجذب
اخوهم وليد : الأخ التوأم لـ سمر , [ طويل و شعره بني غامج كثيف , ] اغلب اوقاته برا البيت , مو مهتم بخواته .. ولا بدراسته ولا بمستقبله .. كل همه ربعه بسس
___
نرجع للأحداث ،
سمر : الزين دقي على السايق قولي له ان بروح حق حور بدرس معاها !
الزين : متى بتروحين ؟
سمر : 5 المغرب
الزين : انا ادرسج احسن !!
سمر : لا عااااااااد تكفين يلا دقي عليه
الزين : قلت لج انا ادرسج , هناك يضيع وقتج بالسوالف
سمر : اوكي اوكي خلاص لا تخليني اروح خل اسقط احسن
الزين : يعني زعلانه ؟
سمر : اممممممممممممم
الزين : يلا الحين ادق عليه ولا تزعل سمورتي
سمر تبوس الزين على خدها : احبببببببببببج احببببببببببببببج
الزين : شفطتي خدي هههههه
سمر : يلا انا بروح انام واذا صارت الساعه 5 قعديني
الزين : ماتغديتي !!!
سمر : مو لازم مو لازم بنام انا
الزين : نوم العوافي
سمر تصرخ من فوق : مو تنسييييييين تقعدييييييينييييي
الزين : انزييييييييييين
سمر دشت غرفتها و تغطت ونامت ..
بعد مرور 3 سااعات , الزين تطق باب غرفة سمر : قومي سمووور
سمر : هاااا بنام بنام
الزين : ماتبين تروحين ؟
سمر : بنااااااااااام خلوني
الزين : كيفج !
سمر : كاني كاني قمت اففففف
سمر تقوم وتدخل الحمام (تكرمون ) و تغسل ويهها ., وطلعت
سمر : اووف ماشبعت نوم
سمر تاخذ القلوس الوردي و تحط على شفايفها : ابووووي هالشفايف مال عض ههههههههههههههههه , الحمدلله والشكر بس شفيني انا اليوم ..
تاخذ الماسكرا وتحط شويه على رموشها , وتعدل شعرها ( حطته على جنب ) , و لبست تريننق , ونزلت تحت وركبت السيارة ,
لما وصلت بيت حور نزلت وقالت حق السايق : كومار شوف اذا ماما االزين قالت لك روح جيب سمر , انتا لا يجي .. بس روح وانا اذا سوي كول حق انتا انتا يجي اوكي ؟
كومار : اوكي
سمر طقت جرس بيت حور وفجت لها الخدامه الباب / ها منو انتا ؟
سمر : وين حور ؟
الخدامه : فوق ؟
سمر : بدش !! انا رفيجتها
الخدامه : اجا ,
سمر دشت صالة بيتهم الفخمه , ولأول مره , ولقت واحد قاعد على غنفه و يدخن وسرحان , سمر اخترعت جان تصعد فوق بسرعه ,
لقت حور قاعده تنزل بالدرج , حور : شفيج يالسطله
سمر : وين غرفتج انتي
حور : تعالي وراي ,
دشو سمر و حور الغرفة وقعدوعلى الارض ,
حور : شنو تبين تشربين ؟
سمر : بيبسي ههههههه
حور : حلفي . ؟ -.-
سمر : اي ابي بيبسي وانا يايبه حب شمسي معاي
حور : شقول عنج انا :@ الحمدلله والشكر بس
سمر : امبيييييييييييييييييييييي ييييييييييييي
حور : شفيج !!
سمر : انا قايله حق زيون اختي ان بدرس عندج وانا نسيت اييب كتب حتى !! كااااااااااااااااك
حور : طول عمرج سطله .. عادي رقعي قوليلها درسنا من كتب حور
سمر : انزين تعالي صج قوليلي شصارر !!
حور : اي خل اقولج < قامت و صكرت الباب ..
حور : قلت لج عن يعقوب صح ؟
سمر : يعقوب ؟
حور : اي هذا اللي رقمني يوم كنت معاج !!
سمر : ايي شفيه ؟
حور : يبيني اطلع معاه !!
سمر : انزين ؟
حور : قلت له ماراح اطلع !!
سمر : اي
حور : قعد ييحححن علي !!
سمر : وبعدين شصار طلعتي ؟
حور : قلت له خلها بعدين الحين عندي امتحانات ماقدر اطلع . .
سمر : انزين انتي وين كنتي قاعده تكلمينه ؟ اهلج مو ساحبين منج الفون عشان الامتحانات ؟
حور : امبلا بس قاعده اكلمه واتساب من الايباد ..
سمر : اها
حور : انزين جان يقولي انزين بيي بيتكم بشوفج من بعيد
سمر عصبت : وانتي شقلتي !!؟؟؟؟؟؟
حور : عطيته عنوان بيتنا .. ويا ..
سمر : من صجج انتي غبيه ناوية تفضحين عمرررررررج ؟
حور : شسوي
سمر : شوفي اذا صار فيج شي انا مالي شغل !! مو تقولين ساعديني ومادري شنو ّ .. انتي صج الحين اثبتيلي انج اغبى وحدة عرفتها بحياتي !!
حور : المهم ماعلينا .. الحين في واحد مبتلشه فيه .. يبيني حب .. وانا ابي يعقوب , شرايج انتي تاخذينه وانا اخذ يعقوب ؟
سمر : امممممممممم اذا باخذه شلون بكلمه؟
حور : اي صح !!
سمر : بس حتى لو باخذه ما راح احبه ترى !! بس جي بطقطق عليه
حور : كيفج المهم ابي افتك منه هالنشبه
(فجأه انطق باب الغرفة )
حور قامت وبطلت الباب : ها شتبي ؟
اخو حور ( عبدالعزيز ) : منو عندج
حور طلعت برا الغرفة وصكرت الباب وراها : رفيجتي عندي شتبي ؟
عبدالعزيز : منو هاذي رفيجتج ؟
حور : انتااا شكو خلصني شتبي ؟
عبدالعزيز : لا ولا شي خلاص
حور : يا كرهك :@ فشلتني جدام البنت خلاص اذلف < دشت غرفته وقفلت الباب
حور : اي شكنا نقول !!
سمر : ان انا راح العب على الصبي وانتي تاخذين يعقوب !
حور : ايي , هذا الصبي اسمه بدر ,, شنو خرووووووووووووووف والله مسكين اااااااا
سمر تطالع باب الغرفة : لحظه لحظه
حور : شفيج ؟
سمر تهمس : في ظل احد واقف عند البااب
حور : منووووووو ؟
سمر : اووششششش
حور تمشي شوي شوي عند الباب وتفتحه بسرعه : ماكو احد !! < طلعت من الغرفه تنادي عبد العزيز
حور : عزوووووووووووووووز
عبدالعزيز بغرفته : هاااااااااااااااا
حور : وينك ؟؟؟؟؟؟؟؟؟؟؟
عبدالعزيز : بغرفتي
حور تركض تروح عند غرفته : بطل البااااااب
عبدالعزيز : شتبيييييييييييين ؟
حور : بطل الباب خلصني
عبدالعزيز فتح لها الباب : خير
حور : منو كان واقف عند باب غرفتي ؟
عبدالعزيز : شدراني انا ..
(بهاللحظه كانت سمر توها طالعه من غرفة حور .. وكانت واقفه عند بباب غرفتها وكانت تطالع عبدالعزيز )
عبدالعزيز : ااا يلا تبين شي ؟
حور : عزوووووووووز شوف ياويلك اذا عدت الحركه والله اقول حق ابوي عن سوالفك
سمر سرحت بـ عبدالعزيز .. ولما يحط عينه بعينها تحط عينها بالارض وويهها يحمر .. : حور
عبدالعزيز بداخله / يا بعديييييييييييييي .....
حور التفتت على سمر : اووه اسفه حبيبتي .. < وراحت معاها الغرفه
· اعرفكم بعايلة حور :
حور : البنت الصغيره تدرس مع سمر بنفس المدرسة , عمرها 15 سنة ..
مواصفاتها : البنت اللي ماتحب احد يتحكم فيها .. شخصيتها حلوة .. ومن مواهبها انها تغني
صفاتها : قصيرة , حنطاوية , شعرها اسود قصير , جمالها عادي .. عندها غمازة بخدها اليسار
بدر : عمره 17 سنة , انطوائي لأبعد درجة ّ
عبدالعزيز : يدرس اخر سنة ثانوي , عمره 19 سنة ..
مواصفاته : طويل وعريض , مجسم , حنطاوي , سعره اسود
صفاته : غشمرجي , يحب اخته بس دايماً ينرفزها , ويموت على شي اسمه بنات
الاخت الكبيره ( مريم ) : عمرها 24 سنة ..
عند سمر و حور ،
حور : ادري اخوي يفشل بس ماعليه مسحيها بويههي !!
سمر : لا شكو بالعكس .. ودي لو عندي اخو نفسه
حور : اخذيه فكينا منه.. 24 ساعه مناشبني !!
سمر : ههههههههههه انا اخوي 24 ساعه طالع برا البيت ومايدري عنا
حور : احسن لج والله
سمر تطلع الساعه : اووووووخ طاع الساعه جم 11 ونص !! زيون راح تذبحني
حور : ليش السايق للحين مايا ؟
سمر: سكتي انا قلت له لا تيي الا لما ادق عليك ..
حور : امبييي دقي عليه هاج فون البيت !!
سمر تدق على كومار : ها وينك يلا انا خلص !! بسرعه تعال
حور : واي فشله سمور ماعشيتج !!
سمر : لا مشكورة عادي
................
بعد مرور نص ساعه ..
عبدالعزيز يطق باب غرفة حور : حوير
حور : لحظظظه ماخذه الجمال من يدتها , شعرها اشقر(بس اشقر صابغته مو اشقر طبيعي ) .. وطولها زين .. وفيها بحه قويه محليه صوتها
وليد دش البيت واهو هلكان بعد ما قط ريهام بيتها , دش البيت وكانت سمر و الزين واقفين يم ابوهم :. ,
ابو وليد (خالد) معصب : شوفوووو منو ياااكم .. تو الناسسس جان تأخرت أكثر استاذ وليد .. هذا وانت ريال البيت .. مأمنك على بناتي .. اتوقع لو وحدة فيهم طلعت شقق , شاليهات .. مع رفيجها ماراح تحس انت .. انا بعرف انت متى بتتعدل مافيك ذرة غيره عليهم ؟
وليد بداخله – افف لو مكمل مع رهوم وايد احسن من هالويوه الزفره - .. : ااا هلا يبه
ابو وليد ( خالد ) : لا هلا و لا مرحبااااا وليدوووه يالـ .......انت متى بتتعدل .. هذيل خواتك هادهم بالبيت لين الساعه 1 بالليل ؟
وليد : يبه كان عندي شغل السموحة
سمر مرتبكه : ااا اي يبه اهو كل يوم اصلن يرد مبجر بس اليوم الظاهر طلع له شغل
وليد باس راس ابوه : تصبح على خير يبه
الزين لاحظت اثر شفايف على قميص وليد ( مسكت ايده وسحبته المطبخ ) : وليد
وليد : شفيج ساحبتني جذي !!
الزين : وليد شنو هذا ؟
الزين : اااا الوان ؟
الزين : وليد بليز لا يدري ابوي عن سوالفك والله راح نروح فيها .. وقتها اذا درا راح يسكنا مع مرت ابوي .. تكفى وليد ديربالك .. سو اللي تبيه بس لا يدري ابوي !!
وليد : انشالله امممم تبين شي ؟
الزين : سلامتك
وليد : الله يسلمج اختي العودة ههههه
الزين – الله يهديك يا وليد - ..
------------------
بدر يفتح رابع باكيت زقاير ,, ويدخن !
حور : بدر الله يلوع جبدك لوعت جبودنا بهالريييحه
بدر يطالع حور ويبتسم ويكمل تدخين ..
حور : شوف بس امي و ابوي يردون من العلاج راح تقطع هالعاده الخايسه
بدر يطالع حور : امممم !
حور : واااااااااااااااي بارد بااااااااارد تنرفزززززز < راحت فوق تطق الباب على عبدالعزيز
عبدالعزيز نايم : هاا
حور : بطل الباب !!
عبدالعزيز : ذلفي لا اقوملج الحين
حور : اوكي اوكي بس يرد ابوي من العلاج راح اطلع فضايحك كلها ..
( وهاذي حالت حور ماعندها غير اخوانها تتحرش فيهم , )
بزاوية ثااانيه من العالم بالتحديد ( أمريكا ) .,
طلعت سارة من الجامعه متوجهة للششقة اللي تسكن فيها ..
سارة اندزت على الارض : حسبي الله ونعم الوكيل
يطالعها باستحقار : Fu….
سارة مشت بسرعه وقعدت تتحسب عليه ...
وصلت الشقه : السلام عليكم ..
غادة : اهلين وعليكم السلام !! شفيج تبجين ؟
سارة : توا وانا امشي واحد دزني على الارض و قعد يسبني !!
غادة : اففففف
سارة : الغربة صعبه
غادة : سارة ماعليه حبيبتي كلها سنتين وبنرد الكويت
سارة : الله كريم
غادة : اي صح سارة شصار على اللي تحبينه ؟
سارة : ولد عمتي ؟
غادة : اي !!
سارة : مادري ادزله واتساب مايرد ..
غادة : انتي مو قلتي انه خطبج ؟
سارة : اي خطبني بس للحين ما ملجنا
غادة : انشالله تردين الكويت والله يتمم عليكم واحظر عرسكم
سارة : يارب
.............
· سارة وغادة مبتعثين بـ أمريكا , سارة رفيجت الزين كانت تدرس معاها من المتوسط ... !
اتمنى تعطوني تشجيع و توقعاااات :eh_s(2):ونطروني بالبارت الياي
