ايمان: ابي اسافر ابي اهاجر مابي اقعد هني
ليلى: امون مو من صجج انتي تسافرين يومين تحوشج حاله نفسية الا بتردين الديره الحين يايه تقولين بتهاجرين مره وحده!
ايمان: والحين اتمنى اليوم اللي اسافر فيه ... كرهني بديرتي حسبي الله ونعم الوكيل
------------------------------------------------------------------------
قبل 4 سنين بالمسنجر
حمد: انتي!!!! عرفتج! انتي قمر!!
ايمان: (شيخربط هذا اهم شيي انتي قمر شهالخفه!)... تكتبلة: اي اوكيJ
حمد: ليش كنتي نفسية معاي جذي ذاك اليوم؟
إيمان: (لا بالله كدينة خير هذا الاخ مصر انه انا اللي فبالة.. لحظه؟ يمكن عرفني؟؟ لا مومعقوله عرفني وين قاعدين اصلا لايعرف اسمي ولا حاطه صورتي ولا قتله اي معلومه عني! معقوله بس لاني قتلة انا اللي شرحتلي عرفني! شدعوووووه خل اضيع الموضوع).. تكتبلة: انا؟ ماذكر والله.. عموما كملي سالفه المشتل مالك من صجك شلون مربي هالنبته عندنا بالديره شلون قادر توفرلها جو مناسب اصلا تربتنا ماتصلح...
حمد: عاد هذا سر المهنه
ايمان: (اووه هذا شكله يجذب وماعندة شي) انت تستعبط صح؟ بالله نبته تطلع بشرق امريكا الشماليه شيطلعها بالديره؟؟ تدري هذي النبته اهي اللي ذبحت ام ابرهام لنكلن
حمد: اي لمه شربت حليب من بقرتها اللي كانت ماكلتها اعرف القصه ماتطوفيني بهالسوالف -يدز صوره النبته بالمشتل ماله واقف يمها مسوي حبتين-
ايمان: (لا مومن صجه! بس تعالي صح اكيد مايجذب لاني بعيني شفت انواع واشكال من النباتات لمه رحت المعرض مالهم وتسرح ايمان وتسترجع اللي صار)
المعرض.. قبل سنتين
قبل لا أقولكم سالفه المعرض.. اتوقع اغلب اللي قرو الموضوع بيقولون نباتات وزرع شهالعبط شالسالفه... بس فعلا هذا كان هوس ايمان من صغرها وكبرت وكبر معاها هالشغف وحمد نفس الشي وهوايتهم كانت الصدفه او مثل ماتسميها ايمان قرادة الحظ اللي اجمعتهم.
فرح: اموووون اليوم انا ونادي التصوير رحنا مكان عجيب تذكرتج على طول
ايمان: وين؟
فرح: معرض شبابي كويتي مسوين مزرعه مصغره فيها زرع اشكال والوان ولاتشوفين قسم من هالمزرعه صاير جنه غابة رعب وفي شجر ونباتات تخرع
ايمان: من صجج والله عاد غرامي هالسوالف شكلي بروح
------------------------------------------------------------------
سارة: الووو امون شخبارج؟
ايمان: تماام انتي شلونج وشنو جديدج؟
ساره: لاجديد بس داقه اقولج انه الدوام دازينلنا بروشور عن معرض عباره عن مزرعه مصغره وفي بلاوي من السوالف اللي تحبينها روووحي
ايمان: والله فرح بعد قالتلي عنه هههه خل اشوفلي يوم اروح فيه.
كل رفيجات ايمان يدرون شكثر اهي تحب هالسوالف عشان جذي كلهم دقو عليها يقولونلها عن هالمكان.. نفس اليوم العصر كانت ايمان طالعه مع صديقة عمرها نور واللي تشوف هوايتها قمة بالسخافه ومالومها بصراحه :P
------------------------------------------------------------------------
ايمان: نورو تكفين بروح المعرض خو طالعين لاشغل ولامشغله اخليج تصيرين الماستر مالي اليوم واسمع كلامج بكل شي :P
نور: ويع حنه حنه يبه فكينه روحي اي مكان تبيييين بس مانطول رجاااااااااءً
ايمان:اوكي
لحظة لحظة خل أعرفكم على الشخصيات المذكوره اعلاه
ايمان الحين عمرها عمرها 27 سنه تشتغل بهيئة حكومية ورفيجة عمرها نور وبنت جيرانهم واهلهم ربع من سنين نفس العمر ثنتينهم ومولودين نفس اليوم و24 ساعه متجابلين ولفتره طويلة من الزمن ماكان عندهم اي رفيجات بس اهم الثنتين وتشتغل بشركه استثمارات خاصه.. اما ليلى فاهي صديقه ايمان عمرها 30 امها وابوها واختها الصغيره توفو بحادث سياره من 12 سنه والتفاصيل تأتي وتعرفت عليها ايمان من منتدى كويتيات قبل اربع سنين وصارت علاقتهم حيل قوية مابي اعطيكم اطباع وتفاصيل عن شخصياتهم ابيكم انتو تكونون فكرتكم وتقولون انطباعكم عن كل
شخصية...
المهم راحو ايمان ونور المعرض وايمان كانت الأرض موشايلتها لأنه اول مره تشوف شي جذي بالكويت...
ايمان: نورو! هذا مو احمدو!!!!!!!!!!!!!!!!!!!!!!!!!!!!!!!!!
