توني اكتشف هالشي بزوجي بعد 10 سنوات زواج
مرحبا متزوجات ابي اعرف منكم وش تشورون علي او وش رايكم بهالموضوع
هل هو طبيعي وانا غشيمة توني اكتشف هالشي
او هل اتكلم والا اسكت احسن!!
انا متزوجة من 8 سنوات و عمري مافتحت تلفون زوجي بصراحة
لان انسان مستقيم و دروبه واضحة من البيت للشغل ومن الشغل للبيت ومن البيت للديوانية !
ما ادري وش اللي خلاني افتح تلفونه الخاص
واكتشفت كلام قذر قذر بينه وبين ربعه الشباب
كلام لا يذكر من قبلهم هم وهو ماكان يرد مع انهم طايحين فيه سب وكلمات قذرة
حاولت ارجع بالرسائل الاقدم وكل اللي قريته من ربعه وهو ما كتب ابد اي نوع من هالكلمات
لكن بصراحة كلمات طيحته من عيني معقولة كذا يقولون ! معقولة يسمح لنفسه ان يكون وسط
ناس يتلفظون بهالكلمات القذرة !!
انا ما ادري اذا كان هالشيء طبيعي او لا بصراحة
لكن لما قلت لاختي قالت لي طبعا هذا شي طبيعي وطال ما انتي ماكتشفتي الا بتفتيشج لتلفونه فمالج دعوة فيه دام انج ماشفتي منه الا كل خير كيفه هو وربعه دام ان حاشمج و محترمج
وقالت لي ان الرجال له عالم خاص فيه يرفه فيه عن حياته الجد و العملية ويرفه مع ربعه بعالم خاص فيه هو ياخذ راحته وانتي لو تتدخلين فيه راح يكرهج و راح تدفعينه لتصرفات ماتحبينها انتي
شرايكم ؟؟؟
