قصيدة أم في ولدها ............... السبب بالداخل

بسم الله الرحمن الرحيم

السلام عليكم ورحمة الله وبركاته


هذي القصيده جتني على الجوال وحبيت أنقلها لكم في المنتدى

اللهم أحفظ لي ولجميع المسلمين والمسلمات أمهاتنا


أسباب القصيده

الأبن تزوج وزوجنه رفضت إن أمه تسكن عنده فذهب الولد بـ أمه لدار العجزه ومرت ثلاث سنين ولا زارها ولا حتى يطمئن على أخبارها , فكتبت هذي القصيده وأعطتها لطبيب يعمل بالمستشفى وأستأمنته بإن لا يعطي القصيده لأبنها إلا بعد وفاتها .
فـ لما وصل خبر للولد بوفاة أمه وذهب لكي يستلم الجثه أعطاه الطبيب القصيده وقال هذي الورقه أعطتني ياها أمك وقالت لا أعطيك ياه غير بعد وفاتها .

القصيده

يا مسندي قلبي على الدوم يطريك

ما غبت عن عيني وطيفك سمايا

هذي ثلاث سنين والعين تبكيك

ما شفت زولك زاير يا ضنايا

تذكر حياتي يوم أشيلك و أداريك

و ألاعبك دايم وتمشي ورايا

ترقد على صوتي وحضني يدفيك

ما غيرك أحد ساكنن في حشايا

وليا مرضت أسهر بقربك وأداريك

وماذوق طعم النوم صبح ومسايا

ياما عطيتك من حناني وأبعطيك

تكبر و تكبر بالأمل يا منايا

لكن خساره بعتني ليش وشفيك

وأخلصت للزوجه وأنا لي شقايا

أنا أدري أنه قاسيه ما تخليك

قالت عجوزك ما أبيها معايا

خليتني وسط المصحه وأنا أرجيك

هذا جزا المعروف وهذا جزايا

ياليتني خدامه بين أياديك

من شان أشوفك كل يوم برضايا

مشكور يا وليدي وتشكر مساعيك

وأدعي لكم دايم بدرب الهدايا

أمك توصيك أخاف ما تلحق تشوف الوصايا

أوصيت دكتور المصحه بيعطيك

رسالتي وحروفها من بكايا

وإن مت لا تبخل علي بدعاويك

أطلب لي الغفران وهذا رجايا

وأمطر تراب القبر بدموع عينيك

ما عاد ينفعك الندم والنعايا


دمتم بود