.•:*¨`*:•.► ][ ][ سبــع لغــات ][ ][ ◄.•:*¨`*:•.
[align=center]تحيه لرواد هذا المنتدى الجميل ومشرفيه
قصيده للشاعر / عبدالله الحبابي اتمنى تقرونها بيت بيت
وهي عباره عن قصه حقيقيه وقعت للشاعرفي اثناء سفره لحضور مؤتمر بدبي
لن ازيد حتى لاافقدكم متعة القصيده والتي اعجبني فيها كثير من الامور
مع العلم انني بحثت عنها في عالم النت طويلا ولم اجدها وكل الذي وجدته مواضيع
من اشخاص يطلبون فيها من يدلهم علي هذه القصيده
لذا احببت ان انقلها لكم بعد ان كتبتها حرفيا
واتمنى ان تنال اعجابكم
الصدفه اللي جمعتني فيـك عصريـه
في دبـي بالمؤتمـر مانـي بناسيهـا
واقف مع الدكتور واتفلسـف شويـه
حبيت اعرفـه انـي مـن دواهيهـا
اثرت اعجابه وقال لي خوش خلفيـه
بالعولمـه ممتـاز وتعـرف مافيهـا
رديـت كلـي ثقـه واقـول ايـيـه
خطير بالعولمـه واعـرف مناحيهـا
وفجاءه لفت له فتـاة تقـول حوريـه
من شافها الدكتور وهو رايـح فيهـا
كشـر بنابـه تقـول خمتـه جنـيـه
ومن مدت تصافحـه متمسكـا فيهـا
وانا بعـد مـن نظرتـه والبـلا فيـه
واللي وطى الدكتور.. النفـس واطيهـا
لكـن عزيـزا ووقفاتـي رجولـيـه
ولو تضعف النفس اقويها .. اقويهـا
وقفت اناظـر بهـا بنظـرات عاديـه
وارقب متى الدكتـور بيهـد اياديهـا
واقـول ليتـه يعرفنـي علـى ذيـه
وفعلا فعـل ومديـت ايـدي باحييهـا
قالـت انـا آسفـه مـا امـد ايديـه
الا لناسـا تـرانـي اثــق فيـهـا
قلـت الحقيقـه معـاك حـق يابنيـه
شوفي العرب ما ينعرف وش خوافيها
وفي خاطري اقول الدكتور مـن زيـه
ماسـك ايديهـا ويضحكهـا ويلويهـا
وانا محـرم علـى لمسـات عفويـه
واقول في خاطـري هيـن براؤيهـا
لازم اجيهـا بطريقـه دبلوماسـيـه
بعـدة لغـات اكلمـهـا واحاكيـهـا
قلت ابتـدئ بالحـروف الانجليزيـه
يمكنها ماتعـرف واخلـف هقاويهـا
ثم قلت انا هاي دون هـاي يـا تيـه
ردت ايـام فايـن والثانكـس تاليهـا
عرفت انهـا تهـرج وهرجهـا ذيـه
مثل البريطـان ليـا حمـرا علابيهـا
قلت اترك الوضع واهرج بالفرنسيـه
اكيـد مـا تفتهمهـا لعنـبـا بيـهـا
ثم قلـت بنسـاور كومافيـه شيريـه
ردت فابيـن ميغسـي انـت توحيهـا
من ردهـا تقـول كنهـا شانزليزيـه
متربيه وسطهـا وتسكـن حراويهـا
ثم قلت مالـي كـود اخـوان ماريـا
اسبانيول لهجه غريبـه فـي نعانيهـا
مليغـرو ميتـشـو بـلـو استـيـه
ردت موتشيوغراسيـس لـك اثنيهـا
ان اشهد انهـا مصيبـه ذا السنافيـه
لازم بحبكـة ذكـاء فيهـا اسويـهـا
ثم قلت بجيب من الكالشيـو دوريـه
كلمـات تنقـال دل بيـرو يطريـهـا
اتوني اوكس سـان انتريـه ياالعيـه
ردت اكي كوز دييغـو خلـق باريهـا
ثم قلـت المانـي والشـات غربيـه
الهرجـه اللـي كثيـر جاهـل فيهـا
ثـم قلـت فورلايناشولبـش بالنيـه
ردت اشوفيـن نشونشـت اعنيـهـا
من بعدهـا هـرج الاوردو يالغناويـه
من جامعات الكراتشي معتـرف فيهـا
ثم قلت تومو بهوتو اتشا هيه .. هيه
ردت موتـو املـوم وشـو كاريهـا
قلـت اغـيـر اللهجــه ايرانـيـه
لغات فـارس ترانـي حيـل هاويهـا
ثم قلت خيلي قاشانقيـه ميـه الميـه
ردت بروستا دران لك بـس اهديهـا
جلسـت متعجـب وافــرك ايـديـه
واقول ياهي مصيبـه مبتلـش فيهـا
ثم قلـت بسـأل سـؤال فيـه جديـه
برنامجك باللغه مـن ويـن محصيهـا
مـن أي معهـد ومـن ايـات كليـه
واشلـون انتـي تعرفيـن بلغاويهـا
قالت انـا محاضـره بلغـات دوليـه
يعني انا ارجـوك نفسـك لاتشقيهـا
ثـم فأجتنـي بسـؤال فيـه رديــه
من وين لك لعبـة الاتقـان راويهـا
حكيـك منمـق واساليبـك فكاهـيـه
ومثقـف تأخـذ الحجـه وتعطيـهـا
من انت وضـح بطاقتكـم وقـل ليـه
وعطني الاسامـي وعنـي لاتخبيهـا
قلت ابشري والحكـي فنجـان بريـه
دوك البطاقـه خذيهـا كـان تبغيهـا
معـك عبـدالله والعـزوه حبابـيـه
هادي غريـب وانـا العلـه اداويهـا
من لابـة كفـؤ لمنـه حصـل هيـه
فرسان يوم الوغى تعـرف باسأميهـا
اهل المشوك وسيـف وحـط جنبيـه
والضربه اللى تجلـى فـي مواريهـا
قالت ..هاه.. واشفيك زادتك الحماسيه
وجبت الجماعه من اقصاهـا لدانيهـا
وين الثقافـه غـدت لهجتـك بدويـه
صحيح مـن لـه طبيعـه مايخليهـا
قلـت الحقيقـه ترابـي والله حميـه
من دون ربعي ابيع الروح ما اشريها
قالت يااااااااي اسلوب مقنع وازدواجيه
خششني جـو وقسـم بـي ثوانيهـا
اذكي من الياس وابداع ابـن تيميـه
حس ابن زيدون فاهم فـي حواشيهـا
قلت الثقـل والعقـل والغنـج حنيـه
الله جمعهـا بايديـك واعتنـي فيهـا
ترى السهم ينتهي في ايديـن باريـه
وشوفي الاشاره لقاها رمـح باريهـا
ومـدت ايديهـا توردهـا وداعـيـه
قلت القضاء حان ياللي كنت ترجيهـا
قلت الخلا .. الخـلا بنبـره انتقاميـه
وكفيت ايـدي وقـل احفـظ تواليهـا[/align]
