بعض الـعـرب ماله أمانــة وذمّة
يحـلف ودينـه ناقـــص ما أتمّـــه
سوالفه كذب وهروجه رخيصة
ومن أجل يثبت موقفه يلعـن أمّه
ياخذ كلام وينقله بالنمـــايـــــم
يملّحه بالكـــذب يبغى يتمّـــــه
يبغى يفــرّق صاملين المواقف
اللي تواجـدهم يقـوي المهمّة
ما يدري إنهم في الليالي الشديدة
يرسون في الموقف بعـزم وهمّــه
ولا يزعزعهم كلام المهـــــذري
اللي بوسـط حكاه قد دس سمّه
إذا تكلم مثـــــل رادي العجــايز
ســـبحان ربي كيـف ذاالهرج لمّه
من كل بحرن يقطف أكذب عبارة
وهو بالحقيقه مابلـغ راس قمّـة
يبغى يســوّي نفسـه إنه مؤثر
يسعــى بتفريق الرفـاقة بنمّه
هذا ومثله مالــه إلا القطيـعــة
ومواصلتـك إياه أكبرمطمّـــــه
