أرم حملك عليه وأستعن بالله
أعزائي
السلام عليكم ورحمة اللة وبركاتة
لكم مني هذه المتواضعه التي أتمنى أن تنال على أعجابكم
بسم الله الرحمن الرحيم
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ارم حمـلك عــليه وأستعـن بالــله = لايهــــمك كلام فـــــلان وفــــلاني
خل هرج الـــعواذل والحكي خــله = حنظلــيل الـــكلام أفـــناك وأفنانـي
يامنى الروح ياأغلا كـــل خلق الله = ياغرامن عــــلى المجهول ودانـي
يابعــيـــدن علي أزريت لأصــــــله = ياقريــــبن سكن دمي وشـــريانـي
بـــل ريق المعنى في الهــــوى بله = يبســــت عروقنا شوقن وتحنانـي
دام قلــــبي لحـــبك دوم مصخــــله = لاتجـــــازيه جحـــــدانن ونكرانـي
شوف جرح الغــــلا باقي على حله= لابرى من صوابـــه عارضه ثاني
أذكر الله علــــيك إن شفت هالطــله= اللـــــه إنه يكافي شــــر الاعياني
أنتي أثـــــر القمر أو أنــــك أختلـــه= ابدع اللـــــه بخلقك عالي الشاني
ياتلع الجيــــد قلبي بالهـــــــوى تله= رمش عينن هدبها سهم شيطانـي
رمش حــــورى كحيله ظلها ظلـــــه= تدلق المـــــوت وتساقيه وجداني
بين ليلــــــن وصبحن أقبــــــل أيفله =أيتهادى علــــى البسمات شفقاني
تاه بيــــــن الخدود وضــــــاع مادله= يوم شاف الشفق خاثر بالاوجاني
إن تباهـــــى ســواد اللـــــيل والقذله =أستحى الليل غصب وصد خجلاني
وأن حكيتي وطــــــــال الحكي ماأمله= كيف جدب الديار تمل هتاني ...؟
وأن ضحــكت الكواكب جات منهـلـــه =وأزهر القاع مــن لولو ومرجاني
وان زعلــــت الخلايق صابها خـلــــه =مانعــــــده نهارن فيــه زعلانـــي
ياشـــــقا العمر مدري يالفــــــرح كله =لو شربته غلاك أموت ماأروانــي [/poem]
عبدالله السميري
