تجربتي مع حظانة ببلز Bubbles في مشرف

السلام عليكم بنات :eh_s(17): هدفي من ورا هالموضوع هو اني اوصّل تجربتي بأمانة .. بنتي صارلها أكثر من سنة بهالحظانة ، و كنت مرتاحة معاهم لغاية هالسنة اللي بدت تظهر ملاحظات عليها و كلمت الادارة عنها ..
أول شي الحظانة أجنبية و تتبع تعليم منتسوري ،
راح تشوفين انهم يحتفلون بأعيادهم (كريسماس ، ايستر ..) و يحببونه بنفوس اليهال ، مثلا اييبون سانتا كلوس (بابا نويل) و يطلبون من اليهال اييبون هدايا يتبادلونها بينهم ..
لاحظت انه معلمة الفصل ناشفه مع اليهال و تكثر من معاقبة اليهال بطريقة ال time out و هي جلوس الياهل بمكان بالفصل بروحه لمدة دقيقتين ، أنا كان اعتراضي على سبب العقاب و كثرته بطريقة خلت البنت تكره الحظانة
الشي الثالث و هو عدم الأمانة .. كانوا دازين ورقة انه فيه منظمة لحقوق الحيوان بتيي تزور الحظانة و اييبون عزكم الله كلب ، و قلت للادارة اني بغيب بنتي في هاليوم لاني ما احب الكلاب و عندنا حساسية منهم .. و عقب بأسبوع مريت صف بنتي و لا ألاقي داخله كلب كبير وايد و فيه جم ياهل يبجون من الخوف !!! كلمت الادارة و قالولي انه هالكلب يحب اليهال!!
طبعا هذا ان دل على شي ف يدل عن جهل و عدم أمانة الادارة و عدم احترامهم للاسلام ، خصوصا انه الكويتيين الموجودين في هالحظانة وايد و الاجانب شوية.
حبيت انقل لكم تجربتي عل و عسى تستفيدون
أما آنا ف ما راح أكمل معاهم .