نخيتكم يالكويتيات اول مره أستقوي على زوجي

السلام عليكم يالكويتيات

من كثر ما أدخل المنتدى وأشوفكم على قلب واحد وكل وحده شايله الثانيه وتعاونكم على حل المشكلات وتقديم النصايح وخبراتكم العريقه
ماشاءالله عليكم
فحبيت أطرح موضوعي محبةً في اكتساب المزيد من خبراتكم في فن التعامل من الزوج في المواقف اللي مالها أول ولا تالي

ما أطولها عليكم:

أول مره زوجي يمد إيده علي وجدام بنتنا عمرها 11 سنه
والسبب إنها يوم شالت الطياح اللي في مغسلة المطبخ ماقطته بالزبالة الله يهديها قطته بغرفة الخادمه ورا الباب مالها خلق تدور الزباله

أخذت موقف وهو إني رحت بيت أبوي
أول مره أسويها من بعد 15 سنه زواج
وبصراحه عليه حرطات بايخه يوفر على ظهري
وإذا حاججته يقولي الحياة تعاون
اتكل علي بالتموين والطبيب وملابسه للمصبغه والمدارس والجمعية والمعاهد الخاصه والمدرسين الخصوصيين وتكاليفهم وبالعيد يعطيني إذا صار كريم (150) إلى (200)من غيري حق الله يحفظهم 7عيال
ومناجر على طلب الخادمه والحين من سافرت الخادمه ماطلبت لي وحده وأنطره يطلبلي هالمره
المهم :الحين أنا قررت إني ما أرجع البيت إلا إذا تعذر مني ومايمد إيده علي
#ويعطيني نفقه مو أقل من 100
#ويصرف على البيت وإذا موفاضي يروح للجمعيه
يعطيني مصرف للبيت مو أقل من 250
#وكل عيد لازم يعطيني مبلغ حق الملابس وأنا من ضمنهم
300
#ويتكفل بالمدرسين الخصوصيين

يالله يابنات عطوني من خبراتكم الله يجازيكم الجنه