معاناتي مع شعري اللي مو راضي يترقع

قبل 6 سنوات كان شعري يضرب فيه المثل والله كذا مره بعروس او حفلات يجوني حريم يسحبون شعري بيتأكدون باروكه ولا صج :eh_s(4):

الحين صار ربع شعري اللي قبل بالكثافة لما اتسبح خصل تطيح غرفتي كلها شعر يا إلهي ماذا أفعل :eh_s(11):

مابقى دكتور جلدية ماطقيت بابه كلهم خرطي بس ياخذون فلوس بدون نتيجة تذكر محد فكر حتى يسوي لي تحليل دم يشوف شنو علتي بس يحطوني مينوكسوديل وشامبوات مامنها فايدة مابقى شامبو ماستخدمته مابقت حبوب مابلعتها والنتيجة زيادة تساقط وفراغات .. طيب مابي شعري يرجع بس أبي التساقط يوقف بس ماكو نتيجة جربت كورسات ميزوثيربي وجربت الخلايا الجذعيا أبر وعواااار فضيييع وخسارة الفلوس

أمبيه طولت قرقرة بس مازال عندي أمل أحل هالمعضلة :eh_s(9):


خل اقولكم شنو طبيعة شعري .. شعري أو ماتبقى منه :) مشالله تبارك الرحمن نااعم ودهني ينقط دهن يعني اغسله الصبح بالليل مدهن وهذا يمكن سبب تساقطه الزيوت والدهون ماتناسبني كلش والشامبوات مالقيت شي يبرد جبدي

الحين خليت كل اللي استخدمه لانه كله خرطي بس اقط فلوس على الفاضي ورحت حللت الحمد لله كل شي تمام لا فقر دم ولا نقص حديد ولا شي بس طلعوا لي مشكلتين

نقص شدييييد فيتامين داال

وارتفاع هرمون الحليب


الحين السؤال ياحلوات هل هرمون الحليب يسبب تساقط الشعر ؟ دكتوري يقول لا يزيد الشعر بالجسم والوجه وانا احس كلامه خرطي لانه الحمد لله ماعندي مشكلة بالشعر بوجهي أو جسمي بس دورتي حيل تتاخر عندي أمل انه يكون سبب المشكلة اللي مأرقتني