مؤمنه بقضاء الله فقط اردت المشورة والانارة
السلام عليكم ورحمة الله وبركاته
يابنات انا عندي موضووع حيل حيل شاغل بالي ومتعب القالون عندي
اللي اهو انو قبل 5 سنوات نقلنا من بيتنا القديم للبيت الجديد ومرت فترة بحدود كم شهر وتعرفنا على جيراننا وناس اوادم وذوووق
كان عمري تقريبا 17 سنه واللحين 22 سنه والله يصلحني ويملأ قلبي بحب ربي ورضاه كنا زايرين بيت جيرانا شافني بالصدفه ولدهم طبعا اهوا متزوج ومطلق وعنده بنوته عمرها سنتين اعجبته وصار فيه ميول عاطفي صارت امه كل مرة تجينا تسأل عني وتتكلم عن ولدها لين ماتعلقت فيه والله حبيته وفوق هذا كان ابوي تعبان ومومهتم فينا ومرة امي تتهاوش معاه ونرجع لبيت جدي ونجلس بحدود 8 شهور وبعدين نرجع لبيتنا ونفس الحكاية يتهاوشون ونرجع لجدي
الرجال حيل تعلقت فيه امه كلمت امي وقالت انه يبيني بالحلال وتميت محجوزة لمدة سنتين وبعد الخصومات اللي بين امي وابوي الحمدلله حصلنا حلول لكل المشاكل اللي متعبتنا ورجعنا للبيتنا بعدها بفترة تقدم لي الرجال وجاء البيت وشافه ابوي واعجبه من بوكرا قالت له امي انه مطلق بما انه المشاكل اللي بييننا ابوي ماعرف جيرانا وماله احتكاك بأي احد بالحي بعد كذا قام يصارخ ويهاوش وانه مايصلح اي رجال مطلق فيه عيب وكمان لونه اسمر وقال انه مو من ثوبنا وانا ما ابيه يعني كل الاشياء اللي صارخ عليها كلها من خلقة ربي ومافيه عيب بأخلاقه ولا بماله
كلمت امي ام جيرانا وقالت له تفهمت الوضع وقالت للولد ووعدنا انه بعد فترة يتصل على ابوي ويبين له وش سبب الطلاق
يابنات انا بسألكم لو اصر على ابوي واخليه يوافق هذا يسمى عقوق :eh_s(16):؟؟ وسالفة انه مطلق وعنده بنت تتوقعون راح تكون مشكلة ممكن انه تكبر بيني وبينه بسبب البنت ؟؟؟ وكمان ابوي يبي الاسم والشكل ويحس لو بيوافق على رجال مطلق بيقلل من هيبته قدام الناس وانهم راح يعايرونه بنات تعبتتتت انا ماهمني الناس ولا همني اي احد حتى لوكان كلام ابوي مقنع كان سكت ع الموضوع ومشيته بس شئ يقهر وحملني فوق طاقتي الله يهديه وخايفه يتصل على ابوي ويحرجه بالكلام وبعد اخاف يسكت ومايقول لي انه اتصل او طلب يدي مرة ثانيه بهاالحالتين وش الحل الله يررررررررررضى عليكم ويفرجها لكم من كل ضيق وهم
وفوق هذا ما ابي اعيش حياة زي ماعاشتها امي ادري انه مقدر ومكتوب بس نفعل الاسباب مدام اني عارفه اخلاقه واطابعه ابي اعيش بحياة زوجية هادية ومترابطه بأذن الله
اسفه ع الاطاله واللخبطة بالحكي ياليت تفيدوني :eh_s(17):
