بنات تعبت من خالتي شل ادميه اللي فاضيه تناسبني والله تعبت :(

بنات شلونكم
تكفون ابي حل مهنه احس كل شي جربته مااااااااااااااكو فايده
هل ادميه صكت على صباح !
كل يوم احاول اقنع نفسي انها زينه و انها حسبت امي بس مستحيييييييييييييل امي مستحيل تطقنا بالطوفه عشان وناستها

الله يسلمكم بقولكم من اول شي
انا متزوجه عن حب و ريلي يدري ابوي شلون مدلعني بجكم اني وحيده
المهم يوم تقدملي ريلي خالتي نطت عينها الا تبي يعطيني مهر 6 !!
و انا ريلي معاشه 2500 !!
قالتله ابوها عنده خير
انزين ز خير يا طير ؟ انا لي تزوجت ابوي بيصرف علي؟
طبعا قلتله اسفه يا 8 يا فوق و انا ادري عنده و قلتله ابي شبكه و بعد ما ملجت قلتله ابي زياده 2000
طبعا قلتله بسوي عرسي بالرايه قال ما اقدر و و لانه الام حظرتها قالتله خل ابوها يسويلها و فعلا ابوي سوالي ما خلاها بخاطري و انا ما صرت نذله ولا تنيحست عطيت البطايق بتساوي و حطيت اسم عايلتهم اول شي جنه اهمه مسوينه جدام الناس قلت خل اكسبهم بس الظاهر ماكو فايده
قالته ماكو شهر عسل ؟ قال ماقدر و و ابوي قال مو مشكله انا احجزللكم و مسكين حجزلنا قلت الله انا رحمتها وااايد و بعدها بشهرين كان عيد ميلادي قالي شنو تبين ؟ قلتله ابي طقم الماس شايفته و عاجبني
و اهيا طبعا انغمى عليها و قالتله ماا تيبلها و حرام فلوسك بس قالها والله حرام اهي اللي سوت العرس مو انا و تكفل ابوها بالسفره بعد عى الاقل خل اعوضها


نيي حق خالتي طبعا اهيه معاشها 400 بسسسسسسسسسسس و كل شهرين بضبط مسافره
مالا داعي اقولكم على افا منو تسافر
المهم انا حملت و قالي ليش ما تراجعين بالحكومه و تولدين بالولاده ؟
الحكومه زينه
صارت نجره عوووووووده قلتله لما تولد اختك بحكومه انا اولد بعدين انا عمري ما دشيت مستشفى حكومه مرح افكر اولد هناك
و انت معاشك 2500 ترا ! مو 100
جان تقوله خالتي اي ميخالف خل تولد بخاص و ابوها يدفع
قلتله انت ليش تسوي فيني جذي؟ انت لما خذيتني تدري انا شنو و انا ادري انت شنو ليش ليش قمت تتحسر على الفلوس
اهو عنده اخوين توم المترديه و النطيحه عمرهم 25 و ما يشتغلون لانه مساكين فاشلين بالدراسه و قاعدين بالبيت و عين عذاري اللي عندي يصرف عليهم
والله يا بنات اول ايام التجهيز الشقه
كنه نفلللسس والله حتى فلوس الهدايه زواج قطيتهم معاه على الشقه و ماا بخلت و ايي الاخ اللطيف بارده مبرده مره قاله ابي 40 ماعندي!!
انت تدري انه اخوك قاعد يجهز !! و كان ريلي اخر 50 في بوكه !
بس اهو طيب ما حب يرد اخوه
و انا ابوي كنت اخذ منه اول ايام الزواج لانه موملحقه بالمصاريف خالتي شاقتنه نصين و اهو يفلس انا شسوي ؟
لما درا زفني قالي ابوج بس ماتخذين منه لو نقعد على الحديده قلت اوكي
والله حبيبي ابوي انا سيارتي لازم وكاله مايصير سيرفس بره
و و وقتها ما عندي فلوس ناطرين المعاش
ابوي ركبها بالزواره بعدلها ولا فيها علامه لازم سيرفس
جان يقولي ليش موموديتها سكت
قال شفيج
قلتله ماعندي ناطره المعاش قال شلون ماعندج 300 حق سيرفس و ريلج ما عنده ؟ ؟قلتله لا كان بيعطيني بس قلتله الله يخليك مابي مشاكل معاه ما يرضى قال اوكي
والا يدق اليوم اللي وراه كلم ريلي قاله ابي اخذ سياره بنتي اليوم و انا ما ادري خذاها و سواها السيرفس انا كسسسسسسسر خاطري
و الخاله مستانسه انه ولدها مرح يدفع
المهم انا قلتله ابي اسافر قال ما عندي قلتله عفيه لو دبي قال ماعندي و ادري صج ما عنده
والله يا بنات ما يلعب بالمعاش
كله في بطن خوانه التنابل و امه
اوكي اصرف عليهم بس بالحد المعقول !
و اللي يحر انه انا معاش ريلي جذي و ما سافرت من تزوجت و الام كل شهر سفره
و امس داقه على ريلي ما تدري الصوت عالي
قالتله لاتصير جعص و كله على مرتك هذول خوانك عطهم فلوس انا تدري ما عندي
مسكين انحرج قال انشاءالله و اهو ما عنده الا 70 لي اخر الشهر! انا مثل دخاااااااااااان من اذوني بس سويت روحي ما اسمع
والله انه كل شهر يا تركيا اسبوع يا لندن يا فرنسا :( و انا علي حتى الشاليه بالحسره و كل ما قلتله
قال الدلع اللي في بيت ابوج انسيه
قلتله انت مو قاصرك شي والله اللي معاشاتهم اقل قاعدين يستانسون و يسافرون
قال شسوي عدي التزامات
بنات زهت من الام موطبيعيه
خلاص الريال تزوج وراه التزامات
فجي شوي عنه
بدال ما تسافر خل تعطيهم فلوس والله قلبي يعورني
ذاك اليوم اخوه رايح باريس سبوع على افا ريلي و رد بعد سبوعين يبي يروح البحرين !
تخانقت مع ريلي قلتله بس تكفا!! انا مرتك ولا اهمه ؟!!
و الحين يقولي ما اقدر ايبلج هذيه عيدميلادج قلتله ليش يقول قاعد ايمع حق اشياء ثانيه و امه ان درت بتلهفهم كلهم
بنات شسوي والله تعبت مايصير كله اعتمد على ابوي و بعدين اهو عنده لو ما عنده اقدره و خالتي مو ظروري تشافر كل شهر
كبر يدتي و تموت بالهياته و انا طاحسه :(
تكفون ابي حل والله مليت