صدمتي بعد عمليه اطفال الانابيب !!؟

بكتب قصتي لكم باختصار وكل اللي ابيه منكم انكم تدعولي ربي يرزقني الضنا قريب
انا عندي انسداد بقنوات فالوب ثنتينهم ونزول بالرحم والتهابات مزمنه وشديده وضعف بالتبويض ومرات يكون معاي نزيف ... المهم الحل الوحيد لي لانجب طفل هو الانابيب ...
استمريت بالعلاج والاذكار والقران وشاء الله اني اعمل عمليه اطفال الانابيب ويرجعون لي الاجنه ورجعت البيت باول يوم من الترجيع حاشني امساك شديد عقب رحت الحمام واغمى علي وقدرت اتخلص من هالامساك بعدها الامور تمام مع وجود حرقان بالمهبل باليوم السادس حاشني انهيار عصبي وبكيت وعصبت عقبها هديت كملت لليوم السابع كل الامور تمام ... الصددددددددددددددددددمه
باليوم الثامن من ترجيع الاجنه نزلت الدوره !!

ليش؟؟
شنو السبب؟؟؟
المفروض تتاخر كم يوم بسبب المثبتات ،،

انا حلمت حلمين بفتره الاسبوع الاول اني انط بطيح الاجنه والثاني كاني حامل وبيطيحون!؟

فشلت عمليتي .. لكن كلي امل يجي يوم وربي يرزقني وامسك ضناي بيدي ... ادري كلكم حاسين فيني وبالحرقه اللي بقلبي ..

انا مستغربه ليش باليوم الثامن نزلت الدوره !؟
كل شي كان تمام ؟؟؟

اللهم اجرني في مصيبتي واخلف لي خيرا منها ...

عطوني تجاربكم منو حصل معاها جذي !!؟

ادعولي وادعوا لحبيباتي بدوانيه منتظرات نتيجه اطفال الانابيب الله يوفقهم ويفرحني فيهم ...!