الانتباه يا اخوان وحدة طلبتني صرف 500 وسرقتني 1500 ريال

بسم الله الرحمن الرحيم

يا اخوان اقسم بالله القصة هذي حصلتلي يوم الخميس قبل امس انا اشتغل في مكتب وجتني واسمع بالقصص دايم واخذ حذري من كل شخص مشبوه خصوصاً الي يطلبون صرف او اي شي


المهم انا ما اصرف لأحد فلوس لان مو شغلتي هذي

يوم الخميس دخل عليه واحد شاب شكله من الجالية البرماوية لابس ثوب بني وقالي عندك صرف 500 قلتله تعال شويه وتجي وراح حرمة كبيرة في السن عمرها فوق ال 50 متغطية عيونها باينه واياديها شديدة البياض وجت عليه كذا فجأة

انا خفت منها وقت ما طلعت فلوسي مدت يدها داخل فلوسي تقول انا ابغا فئة معينة انا من دبي ومدري ايش اقسم بالله لم اشعر بشيء غير اني سلمتها كل شي اخذت 1500 ريال وبقتلي مبلغ بسيط خرجت هيه والشاب بسرعة جاني واحد من المكتب قال يا اخي تأكد من فلوسك تراهم سرقوك وانت ما تدري اعد فلوسي فعلاً ناقصة خرجت ادور عليهم فصو ملح وذابو اول مره في حياتي يحصل لي الموضوع هذا رغم حرصي الشديد

شكلهم عصابة محترفة يستخدمو الشعوذة او من هذا القبيل


الحذر يا اخوان اذا مرو عليكم مثل ذول امسكوهم وعلي الشرطة اقسم بالله اني منقهر علي الحركة اكثر من الفلوس الي تروح وتجي لانه ممكن تجيكم في السوق خصوصاً الحريم تجي تقولك اصرفيلي 500 وتاخذ فلوسك لانه سمعت وحدة برضو انسرقت فلوسها من السوق بنفس الطريقة