التحليل الفني للمباراة ومن وراء الخساره.

مسساء الخير يازعممماء.... هاردلك لكل هلالي على الخساره البارح والذي كان المتسبب فيها الاول والاخير المدعو كمبواريه.

اللي شاهد المباراة البارحه بعين المشجع الفاهم وليس العاطفه والميول يرى باان الزعيم لم يقدم شي اول 30 دقيقه بل كان الضغط من نادي النصر على الهلال وسجلوا هدف وسنحت لهم فرص ولكن اخر ربع ساعه من الشوط الاول ضغط الهلال وسنحت له فرصتين او ثلاث ولكن لم يكن التوفيق موجود مع الزعيم.
وفي بداية الشوط الثاني بداء الزعيم بالضغط على النصر وكان 11 لاعب من نادي النصر في ملعبهم وكانوا يدافعون امام الهلال ويلعبون على المرتدات والهلال ضغط على النصر وتحصلت له فرص كثير للتسجيل ولكن لم يكن هناك توفيق وتحصل على بلنتيين لم تحتسب من الحكم حقت سالم الدوسري وياسر القحطاني وكان اغلب الحكام مثل محمد الفوده و محلل الجزيره بانها ركلتين جزاء صحيحه ولا عليها غبار
ولكن سي الذكر كمباوريه ساعد فريق النصر بااخراج سالم الدوسري وسلمان الفرج ولعب بثلاث مهاجمين ياسر و ويسلي و يوبيونغ وكان لا يوجد صانع لعب يمرر الكور للمهاجمين الا بوليفار الكولمبي وياسر الشهراني الذان اجتهدوا وحاولوا التمرير وصنع الفرص للمهاجمين ولكن في الحقيقه لا يوجد صانع لعب حقيقي وتدارك الوضع كمبورايه في اخر 7 دقائق وادخل الشلهوب الذي لم يلعب اساسي مع الفريق منذ شهرين!!! وكان ويسلي وياسر يرجعون لنص الملعب من اجل استلام الكورة ويحاولوا ان يبنوا هجمه ولكن لاحياة لمن تنادي مادام مافيه صانع لعب مثل نواف العابد وعبدالعزيز الدوسري.

اللي ابي اوصل له كمبواريه يتحمل 70% خسارة المباراة و 30% للاعبين
وغير ذلك اوزيا والزوري اول مره يلعبون مع بعض وانا اقول انهم ماقصراوا خصوصا الوحش اوزيا صراحه يذكرني بالنجم تفاريس
وغير ذلك الاصابات مثل نواف العابد وعبدالعزيز وعبداللطيف الغنام
وحتى الكولمبي بوليفار اول مباراتين له ولم ينسجم بالشكل الصحيح وان شاء الله يقدم مستويات ممتازه.

اللي ابيه منكم وقفتكم الصادقه مع الزعيم فهو يحتاجكم اكثر من اي وقت مضى والموسم ماانتهى باقي 3 بطولات وباقي بطولة اسيا وانا اتوقع ان ولي العهد والدوري للزعيم بااذن الله.

صدقوني في فترة التوقف الحاليه راح يتغير شكل الفريق بالكامل وراح يرجعون اغلب المصابين وسيقدم المدرب الجديد زلاتكو شي مميز لزعيم بااذن الله.

تحياتي لكم...