دلاعة و مياقة بنت حماتي !!

:eh_s(10):

صباح الخير على الجميع
الله يسلمكم بدخل بالموضوع على طول
بنت حماتي عمرها 4 سنوات بأول روضه و هم آنه ولدي بأول روضه و بنت حماتي و ولدي في نفس الروضه ..

طبعا حماتي ما في شي عندها أنه شلت بنتي في بطني تسع شهور و آنه أعتني فيها و أنه أربي بنفسي لا من يوم طلعت البنت من بطنها الله وكيلكم البنت تحت أيد الخدامه لين أكبرت
بالبدايه كانت ساكنه عند أهلها ألي أهوه نفس البيت ألي ساكنه فيه يعتبر بيت أهل زوجي
المهم حماتي كملت ساكنه عندنا 3 سنوات و عقبها طلعت من بيت أهلها و استأجرت لها بيت المهم لمن طلعت من البيت خلت بنتها عند أهلها ( عند أختها العوده )
الله يسلمكم اهلها معودين البنت أنه أهيه الي تامر على كيفها يعني مخلينها على هواها تصرخ على الأكبر منها و ألفاظ مو حلوه تقولها البنت ... هم قلت مالي شغل فيها بنتهم و كيفهم
المهم أمس أنه نزلت تحت عشان أنزل ولدي حق الروضه و يمر عليه الباص الله وكيلكم البنت تبجي و تصارخ ما تبي تروح الروضه من شافتني أنه و ولدي نازلين ألا قعدت تصارخ بزود تقول ليش أحنا نازلين طبعا أشتغلت أخت زوجي ألي أهيه خالت البنت تقولي حق ولدي ليش تكلمها يعني ولدي والله ما قالها شي يقولها و اهوه مبتسم صباح الخير و أهيه تقول والله ليش يكلمها أنه ما رديت عليها مسكت أيد ولدي و خرته عنها
فكان ولدي معاه كيس ( طالبه عليهم المعلمه أدوات ) فحطيت له في كيس و كتبت عليه أسمه قلت عشان في الباص يمكن ينسى أو شي تعرفون يهال
فلمن وصل الباص ركبت ولدي الباص و ركبت أخت زوجي بنت أختها و عقبها وصيت المشرفه الي في الباص على الكيس ألي بأيد ولدي يعني تعرفون يهال مجرد اني وصيتها
في هل الوقت قامت البنت تصرخ بزود و تبي تنزل من الباص ما تبي تروح الروضه أهني انهدت علي أخت زوجي ( الي أهيه خالت البنت ) تقولي كله منج البنت قعدت تبجي و تصارخ لأنج كلمتي المشرفه ... عاد أنه أهني الصراحه ما سكت عنها قلت لها أنتي ما تحكميني و آنه مالي شغل في بنتكم أنه علي من ولدي لزم أوصيها و وصلت حدي منها ...

الموقف الثاني
لمن يوصل ولدي من المدرسه و اهمه نازلين من الباص شوفوا بس المياقه و الدلاعه البنت تتشرط تقول آنه أنزل قبل و اهوه ينزل وراي و عاد أمس المشرفه نزلت ولدي قبل و عقبها نزلت البنت والله قعدت تبجي و تصارخ البنت تقول خلي الباص يرجع و نرجع نركب و أنزل أنه قبل و عقبها ينزل الولد ( الي اهوه ولدي )

و قعدت اخت زوجي منهده على المشرفه لا أحنا بنتها محد يزعلها و محد يقول لها شي والله اهيه ما تتحمل الزعل و بنتنا عصبيه

الموقف الثالت
انه اامسك أيد ولدي و ادخله البيت تقول لا أنه أدخل قبل و أهمه يدخلون عقبي عاد أنه أهني طنشت إلا انهدت ام زوجي و قامت طقت ولدي أنه ما قلت غير ( الدلاعه ما تدخل راسي )
والله العظيم يعني جد تعبانه من هل السالفه

أبي بس تخلص هل السنه على خير علشان أنقل ولدي مدرسه ثانيه و أفتك منهم و من مشاكلهم
ومن هل الدلاعه... والله لو أقول و أتكلم ما راح أخلص من سوالفهم عن جد ( أهمه بنتهم و كيفهم و حرين في تربيتها ) لكن دايما بنتهم مرفوع عنها القلم والله من الصبح طاقت له شلاله من مكان لين مكان و هياته و ما ترد البيت إلا تالي الليل ما تخلي عرس وما تخلي عزايم و ما تخلي مسياير إلا و أول وحده حاضره
و ذاك اليوم أنه بسير على أهلي عندهم عزيمة غدا إلا تقولي أخت زوجي ( وين على الله ) تقولي أنتي المفروض ما تروحين لأنه ولدج بعده صغير .. قلت من صوبهم غفور رحيم بنتهم ما تخلي مكان و إلا تروح له قلت و مرت الولد طلعتها محسوبه عليها
تقولي الوحده لين صار عندها ياهل مكانها بيتها ؟؟؟
لكن من صوب بنتهم مرفوع عنها القلم بنتهم دايما مسكينه و مضايقه يا حرام
يقولون خلها تروح ترفه عن نفسها ...
والله عن جد أحس أني تعبانه و مضايقه حددددددي أقول ياربي شهل الدنيا ألي عايشه فيها
شهل الضغط الي عايشه فيه
تعباانه أبي أفضفض والله أبي أحد يعطيني الحل شلون أتصرف مع الناس شلون أرد عليهم ؟؟