زلاتكو يصاب بالرعب ...لازم سامي يكون بجنبه يخفف عنه.

اكيد انتشر خبر اقالة المدرب كمبواريه بعد الهزيمه الغير مستحقه من النصر بعد ماحرمنا الحكم من ضربتين جزاء وبعد مباراه على باب العنزي ومالعب النصر فيها الا ربع ساعه ومن بعدها كان السديري يراقب المباراه من بعد منتصف الملعب ولكن المشكله ان الكره اهداف.

المهم سمعنا ان مدرب اولمبي الهلال زلاتكو رح يمسك الفريق وانا متأكد مليون بالمئه ان هذا المدرب ماهو المدرب اللي رح يرجع الهلال للطريق الصح بغض النظر عن تجربته مع القيصلي فلا يجب ربط التجربتين ببعض لان الفيصلي كان فريق للتو طالع ومدربه مغمور فكان لعبهم يعتمد على الحماس والقتاليه واخشى ان نكرر تجربة التونسي احمد العجلاني اللي انخدعنا في التعاقد معه بعد نتائجه مع القادسيه وتتذكرون النتائج اللي اكلها الزعيم مع العجلاني لاول مره في تاريخ الهلال ينهزم بخماسيه من الشارقه الاماراتي ومن الاهلي السعودي ...اللي ابغى اوصل له ان المدرب المغمور اللي ينجح في الفريق الصغير ماهو شرط ينجح مع فريق بحجم الهلال ينافس على بطولة الدوري وبطولة اسيا .

اتمنى من ادارة الهلال اذا كانت فعلا ناويه تسلم الفريق للكرواتي زلاتكو ان تستعين بسامي الجابر للجلوس بجوار هذا المدرب اللي راح يصاب بالخوف والقلق اولا لأسم الهلال وثانيا للضغط الجماهيري والاعلامي اللي رح يواجهه ،ووجود العملاق ابو عبدالله بمساعدة الكرواتي رح يخفف الضغط عليه ورح يهدي اعصاب الرجال ويخليه يفكر بتركيز لان جنبه واحد صاحب خبره كبيره بالمنافسات المحليه والقاريه .

كما نتمنى من اعلاميي الهلال وجمهوره تخفيف حدة النقد على الفريق لان الهلال الآن يواجه هجمه قذره من الخصوم لمحاولة الاجهاز عليه اعتقادا منهم ان افتراس الهلال سهل عليهم .