شوفتوا اللى بيحصل للأسف احنا من وطن عربي واحد ومسلمين :(

السلام عليكم ورحمة الله وبركاته

بداية بوجه احترامي لجميع الشعوب العربية اللى انى بنتمي للكثير منهم :):)

وسبب قولى للكثير منهم وليس كلهم

هو سبب كتابه موضوعي

اسمحولى بداية هحكي بالمصري مش بالفصحي :)


عاوزين تعرفوا علاقه الدول العربية والوطن العربي ببعض

ادخل / ي على اليوتيوب ونزل اى مقطع عادي

حتى لو كان مقطع عن سلحفاه بتاكل خس :confused:

هتلاقى الردود تحت

اول رد بيقول سبحان الله سلحفاه بتاكل خس

الرد اللى بعده بيقول يا أخي هذا ليس خس هذا كرات


الرد اللى بعده يقول ده مش خس ولا كرات ده جرجير :confused:

وردود زى دى بقي كتير وهوب فجاة اتقلبت الردود لسب وقذف فى الاعضاء تتحول شتيمه لبلد كل واحد وممكن تتنتقل سب بالدين والعياذ بالله :(:(

لو حضرتك من زوار اليوتيوب اسال نفسك كام مرة شوفتها وبتحصل ولا لا ؟

انا مش بستثني اى بلد من اللى بيتقال كله بيغلط للاسف

انا مصرية مولوده بالسعوديه

تاجرة وتعاملت ولازلت اتعامل مع تاجرات سعوديات وكويتيات وعمانيات وغيرهم كتييييير قمه فى الاحترام

بحن للبلدين مش عشان بنتمي لهم بس عشان المفروض كلنا كدا ونكبر على كدا

انا ضايقني جدا وابكاني كليب شوفته على اليوتيوب مش هحطه هنا لانه الفاظه لا تسمح انى احطه هنا للاسف معمول من مجموعة شباب سعودي عن المصريين :(:(

اللى برد نارى وريحني ردود السعوديين نفسهم علي اصحاب الكليب :clapinghand:

حسيت ان الحمدلله لسه فى امل واننا بنخاف لسه شوية على بعض وشعور بعض وانى مش محتاجه ارد وانهم كفوا ووفوا

وبرضه بتضايق من كلام بعض المصريين على السعوديين

ومن كلام المصريين والسعوديين على اى بلد عربي تانى


تفتكروا امريكا واسرائيل لما تشوفنا كدا مش هيزيدوا ضرب فى فلسطين ودعم بشار اكتر ؟ تفتكروا مش هيفرحوا بينا كدا ؟

الرسول عليه الصلاه والسلام قال

" مثل المؤمنين فى توادهم وتراحمهم وتعاطفهم مثل الجسد الواحد اذا اشتكي منه عضو تداعى له سائرالاعضاء بالسهر والحمي "

ياريت محدش يزعل من كلامى انا بتكلم كدا من عشمي اننا نبقى كويسين مع بعض وكله يغير على بعضه مش على اهل بلده بس :):)