لقنيهم يابعدهم(أمان الروح)
لقنيهم يابعدهم درس في كل الأمور
وخلي من تبغى اتعلم تاخذك قدوة لها
وعلميهم كيف بإصبع تقدر الدنيا تدور
وان هذي الأرض ماهي واقفة لأمثالها
وان كان به ناس حسدها بالغ حد الصدور
اتركيهم لين تاكل حالهم وأحوالها
للحسد أجساد تغلي بكل مافيها تفور
اعرف الحساد واعرف طبعها وأشكالها
مادروا إنك بنيتي للمعالي ألف دور
يوم غيرك ألف رغبة تنتظر في بالها
ماانت مثل اللي يعيشوا للمظاهر والظهور
وماانت مثل اللي تدور للحضور بمالها
وماانت مثل اللي خذوها بألف نقطة للعبور
أو مثل منهي تساوم للظهور بشالها
من يقول الزرع يقدر ينبت بدون بذور
اشهد انه مايثبت كلمته لو قالها
انت الهيبة وعزك مجد ثابت مايبور
لوتبور الأم لحظة شوفها لعيالها
انت إحساس المحبة والمشاعر والشعور
وانت اللي من تبيض في المواقف فالها
وانت رمز الطيبة اللي تسبقك عند الحضور
وانت اللي ماتباها في كثير أفعالها
وانت اللي لوكتبتي قامت تحن البحور
والليالي جات تسأل عن قدوم هلالها
بس يالله علميهم درس في كل الأمور
وخلي من تبغى اتعلم تاخذك قدوه لها
(منقول)
أهـــــــــــــديــــــــ ـــهـــــــــــــا
إلى من سعدت بصحبتها
إلى من استأنست بقربها
إلى تلك الإنسانة التي مدت يدها إليّ لأتخطى الصعوبات
إلى من سلبت بساط الحزن من صدري ورسمت البسمة على شفاهي
إلى من حملت همي وزلزلت أرض ألمي لتسقط كل الأوجاع من نفسي
إلى من سمحتُ لها بأن تبحر في خلجان قلبي لتكون لي أخت.. صديقه.. حبيبه
إلى من ساعدتني على تخطي دروس الحياة وأكسبتني القيم الرائعة التي وجدت في نفسها
إلى الشمس التي تشع محبة وإخلاصا
إلى من زرعت في قلبي الأمان
إليك أمان الروح
:11rob: محبتك:11rob:
نور الأمل
