شعر جيتك ألم

حياكم الله جميعاً
وأنقل لكم القصيدة الجملية

جيتك بفطرة طفل في عصر الإرهاب
على سماحة دين أكبِر وأصلي
جيتك ألم دنيا عنيده على شاب
ليت الليالي تخبرك وش حصلي
جيتك كهولة شيخ يعكز بمشعاب
بين الرجا والياس عمره مولي
ماطعت بك حاسد وواشي وكذاب
ولا عذولٍ فيك قللي وقللي
مبطي ودمع العين مابل الأهداب
وأقفيت من عندك ودمعي يهلي
أقفي بحملٍ يكسر متون وإرقاب
مايقدره حيد الصفا المستقلي
ترحل طيور الجو في الهجره أسراب
وأنا وحيد اقفيت من عش خلي
ضاعت حقوقي بين جاحد ونهّاب
وانته حقوقك مانقص ربع ملي
ياما فتلت زنود واعضود واشناب
في جنتك مابين شمسك وظلي
وكتبت فيك أشعار وأعطيتك ألقاب
عبر الأثير وشئ عبر المحلي
وغنيت بأعلى الصوت يوم القمر غاب
يامل قـــــلبٍ تله الود تلي
مدري صحيح إن الهوى صدق غلاب
والاانا المخطي وانا اللي وانا اللي

ولــكم كل الود والاحـــــــترام

[dj; Hgl