حامل ولازلت ارضع طبيعي !!

السلام عليكم

انا حامل مابقى علي شي واكمل ثلاث شهور الله يتمم علي وعلى كل الحوامل
المشكلة عندي بنت عمرها سنة وتسع شهور وارضعها طبيعي من فترة حاولت الغي رضعات النهار لأنها وايد معتمدة عالرضاعة ومااتنام الا على صدري وصارت النهار مااتنام
وايي الليل ابي انومها بدون ماارضعها اعطيها ممية تشرب بس مااتنام واتكون تعبانة وتبجي بس اتظل صاحية يعني الليل كل ماتصحى ارضعها لأني اكووون تعبانة والحمل لوعه وتعب فاستسلم لها عشان ارتاح

والحين مو قادرة افطمها نهائيا خايفة الحليب يأثر عليها او على البيبي وخصوصا ان دائما معاي فقر دم وجسمي ضعيف وتعبان
شنو تنصحوني اسوي لأني عن جد تعبت
والسموحة عالاطالة