تعالي وشوفي تجاربي مع الدكتور ( مـــاجــد تــقــي) بالصوووور

مرحبااااا بنوتااااااات:eh_s(17):


شلونكم انشالله بخير :eh_s(22):.

طبعا بعد عمليتي عند ماجد تقي اللي سويتها قبل سنه ونص ..!
وايد يتني رسايل يسألوني عن النتيجه بعد سنه..و وعدتهم احط كل ملاحظاتي بموضوع ..وسبحان الله حصلت لي ظروف ولهيت عن الموضوع..ف حبيت ان هالموضوع يكون مرجع لكل وحده تفكر تتعامل مع الدكتور ماجد تقي..:)

وبما اني انا فاضيه بحط لكم تجاربي كامله و بالصـــور..:eh_s(22):


اهم ملاحظه بالموضوع:
اتمنى كل وحده تذكر ربها بعد ماتشوف الصور سواء عجبها او لأ..تدرون بنات العين حق :) واتمنى محد يزعل من هالشي :eh_s(8):



بسم الله توكلنااااا على الله..


بداية تعاملي مع الدكتور ماجد تقي ؟..

اولا بدت علاقتي فيه كـ مريضه ودكتور قبل اكثر من سنتين.. بأبر تصحيح الانف كالعاده كانت هبه يديده وعرفت انه الدكتور الوحيد بالكويت اللي يقدر يصغر الانف بدون عملية و وقتها كان اول دكتور بالكويت عنده هالنوع من الابر..و كل البنات ركضه ركضه..:eh_s(4):

وغير صحيح ان هالابر تكبر الانف..!..اساسا هالابر نوعين نوع تعبأه يرفع الانف و يطوله حسب حاجة الانف طبعا...ونوع لسحب الدهون وهاذا النوع يصغر الانف ..اللي كنت احتاجه بالضبط سحب دهون من الجوانب مع تعبأه للأرنبه..

من ناحية النتيجه...90% غير شكلي خشمي للأحسن طبعا..وهاذي صورة لخشمي بعد التصحيح بالابر:


ماشاء الله تبارك الرحمن

http://www9.0zz0.com/2013/01/27/18/213288145.jpg


طبعا بدا الغرور :p وقمت امشي بثقه ..لين تذكرت ان النتيجه مؤقته ...جنه شي يقولي مهوي لا تستانسين وايد مرده بيرجع خشمج مثل قبل :eh_s(16)::)




التعامل مع ماجد تقي ؟؟؟
طبعا أي وحده فـ يوم زارت عيادة الدكتور ماجد راح توافقني الراي بللي راح اقوله ..حرف حرف..
اول مادخلت عليه كسر حاجز الخجل بأسلوبه حسيته صديق مو دكتور سألني بالضبط شنو ابي..طبعا وحده اول مره تدخل عيادة تجميل..بيكون عندها جهل كبير ماتدري شالموضوع اصلا لوول


..عطاني منظره قالي شنو تبين بالضبط قلتله احس خشمي كبير و فيه و فيه وفيه.. قالي بساعدج بتصحيحه بالابر..وشرحلي بالتفصيل شنو راح تسوي هالابر و شنو اللي احتاجه بالتفصيل من وجهة نظره كـ دكتور تجميل وهالابر ونتيجتها فوريه بس مع شوية ورم يروح من ثالث يوم و تبقى الابر مدة 7 شهور وحسب الجسم..انا عن نفسي تم المفعول للامانه 8 شهور ..و رفيجتي كانت عروس خذت الابر وتبارك الرحمن شكلها زوغه يوم عرسها ..للي تسأل عن سعر الابر...120 دينار
عموما للي تقول خشمج باين انه مو محتاج كثير...اقولكم بكل صراحه خشمي كان كارثه..كان فيه عرض من صوب العظم و كان نازل وايد والارنبه كبيره ومالها معالم كلش...



كبر طمووحي..
طبعا محد يفكر يخطي خطوه الا اذا كان متطمن وحاس بالامان من هالناحيه..وانا وقتها كبر طموحي و قمت افكر بالعمليه بجديه..:eh_s(4):ودي احتفظ بالنتيجه اللي وصلت لها بالابر للابد..وابي احسن من هالنتيجه بعددد.. ماكنت ابيه يرجع مثل قبل !..بإختصار حددت لي موعد مع الدكتور و قلتله انا طموحي كبر..ابي العمليــه..تطمنت 100%..و اخترت اليوم اللي يناسبني واللي صادف 7-7-2010..بمستشفى المواساة



توكلت على الله..

http://www2.0zz0.com/2013/01/27/18/243540890.png
الصور قبل سنتين جيكوا ايدي شلون كنت سوده لوووووول

شفت الدكتور قبل العمليه بالانتظار..طبعا كنت اطقطق من الخرعه عمليه و بنج كامل..واعصاب تالفه والمشكله عمليه بالوي يمكن تضبط و يمكن ماتضبط...وايد مشاعر معفوسه..لين دخلت علي الدكتور ماجد..اذكر هاليوم جنه امس..
قالي تخيلي نفسج داشه دكتور اسنان :P و طمنني قالي كلمه ماعتقد في دكتور بيقولها ( ويهج اهوو ويهي )..انسان مثل هالدكتور شلون ماتثقين فيه و تسلمين له نفسج والله بنات ما اذكر حتى اني غمضت عيني !!!!!






صحيت من العمليه..
http://www8.0zz0.com/2013/01/27/18/390687733.png

طبعا البنج كان خفيف بسرعه فتحت عيني منصدمه جنه حلم ! اول شي سويته حطيت ايدي على الجبس ابي استوعب انا صج سويتها ولا لا!!! اكشفت ان الجبيره موجوده بعدها بديت اتنفس من حلجي واهو الشي اللي طلبه مني الدكتور اول ما افتح عيني بالافاقه..يعني الموضوع حده سهالاااااات مثل الحلم اللهم تعب اول 48 ساعه من العمليه واول ماتجاوزته بديت بس اعاني من اورام ويهي اللي تخلصت منها بالثلج و كريم الكدمات...لي خامس يوم اختفت كل الاورام اللي بويهي و اللي تحت عيوني :eh_s(15):





بعد ماشلتا لجبيره..
مثل ماطلبته بالضبــــــط خشم طبيعي مافيه أي مبالغه ولو انه كان واارم لان نوع جلدي سمييييييييييييييييييييييي ييييك جدا ومتعب ..لكن بين من اول ماشلت الجبس ان العمليه متقنه مشالله تبارك الرحمن..
بس مجرد اورام راحت بعد الشهر السادس و كان مرفوع بزياده علشان ينزل حبه حبه لين يوصل للمستوى اللي يناسب ويهي





ما شاء الله

هني كان مرفوع شوي و وارم

http://www3.0zz0.com/2013/01/27/18/866442093.png

وهني كان شوي وارم

http://www3.0zz0.com/2013/01/27/18/724483351.png




والحين النتيجه النهائيه بعد سنه ونص من العمليه...
تبارك الرحمن
ماشاء الله..
http://www3.0zz0.com/2013/01/27/18/829293331.png


http://www8.0zz0.com/2013/01/27/18/904563648.png

قاعده اصور وانا اضحك وماقطه ويهي لووول لاني قبل مستحيل اضحك من غير ما احط ايدي على ويهي اخش خشمي :P
احلا مافي الموضوع ان محد يقدر يكتشف اني امسويه تجميل :) لانه الحمدلله تبارك الرحمن طبيعي 100%..



بنات لحد يكتب شي بليزز

يتببببع