20 دينار ليش يالطيب ؟؟

مرحبا بنات :eh_s(17):


بصراحه فيه شي مضايقني حيل من زمان اشوفه بالبلد وكنت انطر اللحظه الي اتكلم فيها بس الليله ما قدرت اصبر .. ما راح اطول عليكم

بنتي تدرس بالمعهد وعليها دور ثاني .. واحتاجت مدرس لان الماده حيل صعبه عليها
المهم رفيجاتها دلوها علي مدرس طبعا هذا الثاني بعد المدرس النصاب الاول واهو مدرس رياضيات اصلا لكن يعطي دروس خصوصيه لماده الكهرباء والنتيجه بنتي رسبت ..

المشكله بالمدرس الاول انه طلب 15 دينار للحصه .. ومشيناها
لكن يجينا المدرس الثاني ويطلب 20 دينار للحصه .. هذي الي قصمت ظهر البعير

ولما سالته بنتي ليش 20 دينار للحصه تحجج ان الشقه الي ساكنها زادوا ايجارها

ماني قادره استوعب الجرأه الي فيهم وهم يرفعون الاسعار علي كيفهم بدون خوف من المساءله .. والادهي انه ما رفع السعر الا واهو واثق ان محد بيعترض علي هالسعر

يا جماعه ..

تدرون ان الكويت الدوله الوحيده الي الاسعار ترتفع فيها ولا من يحتج او يعارض !!

الي اعرفه ان الدروس الخصوصيه ( ممنوعه ) لكن الحكومه تتغاضي عن ملاحقه المدرسين الخصوصيين .. ومطنشتهم وهذا الي خلاهم يتمادون في وقاحتهم

لو كل وحده وقفت هالنوع من المدرسين الطماعين عند حده وهددته بالقانون ما راح يلقي من تدفعله هالمبلغ ..

الي متي احنا بنتم علي الحال هذا ؟؟

انتي يالي تخضعين لابتزاز هالطماعين انتي جنيتي علي عيال ديرتج ..
اذا تقدرين تدفعين غيرج لا ..
انا ادري ان الردود بتأيد كلامي .. لكن اتمني ما يكون كلام وبس ..لان الموضوع
كبر حيل والظاهرالحكومه تاركته لنا نحله ..

ساعدونا يا بنات :yaaaaaarb:
نبي نتخلص من حمل الدروس الخصوصيه علي الاقل الحكومه تساعدنا في ملاحقه
اي مدرس يتجاوز حدوده ويبتز المواطنين ..

اتمني اشوف منكم تجاوب وحلول لهالازمه الي تعصف بكل بيت فيه طالب ..