تقرير رحلتي الشتاء - تركيا

<div><div align="center"><font color="Black"><font size="5"><font face="Comic Sans MS">بسم الله الرحمن الرحيم

تركيا البيضاء شتاءا و خضراء صيفا

كم احببتها


بالبدايه تم الحجز ل قاهره بتاريخ 1-1-2013 لكن لآمور اللي صارت تم استرجاع التذكره و طبعا خسرت فيها بس قلت ان شاء الله تكون خيره

و بعد التفكير ان اي دوله نروح و خصوصا ان الروحة فقط بنات

فتم الاختيار تركيا


اخذنا غرفه مزدوجة في فندق يشمك في منطقة سلطان احمد كلفتنا للشخص الواحد 300 دينار

السبب بأختيار المنطقه ان قريب عليها الاماكن التراثية و تعتبر منطقه اجانب و على قولتهم بتركيا ( تقسيم منطقة العرب و سلطان الاحمد منطقة الاجانب ) و بعد عدم اختيار تقسيم كون انها منطقة مزدحمة جدا يدخلها يوميا حول 7 مليون شخص اما السلطان كانت بعد 7 مساءا هدووووء


الفندق ( يشمك ) 4 نجوم
فندق جيد جدا و كان الحجز شامل الفطور بوفيه - نظيف و نفسيتهم حلوه اللي يشتغلون فيه و عادي يقعدون يسولفون معانا و يضحكون و صادف عيد ميلاد امي و قلنا نبي كيكة و احنا ندفع ما رضوا قالوا هدية منا لكم امكم نفس امنا -- اللي نرفزني فيه فقط اخر جم يوم يوا فيه عرب والله وكيلكم على الازعاج اللي عشنا فيه كانوا يطقون الباب و ينحاشون و صوت صراخ و اهم بنا الفندق ان الصوت يسري فكان الوضع مو شي بس بهالايام


كان حجز الطيران على التركيه

طيران لا بأس فيه كراسية نوعا ما صغيره
لكن احمد الله ان حجزنا عليها لان بيوم الوصول الي تركيا كان فيه عاصفة ثلجية و غيوم و ظلينا بالسما 5 ساعات مدت الرحله 3.45 لكن بقينا حول ساعه و شي بس نحوس فوق اسطنبول مو قادر الكابتن يهبط بس لأنه شاطر هبطنا بسلام

و نزلنا و ظلينا بالطياره حول نص ساعه ثانية على ما مسحوا الارض من الثلج

و اول ما نزلنا سوينا الفيزا سعرها 20 دولار